Ҳазлацәажәаша ҳамоуп: Хәарааԥҳа ахәыҷы ашколахь раԥхьаӡа зшьаҿа еихызго иазыҟаҵара иазкны

"Иҟоуп убри аҩыза аилкаара, "ахәыҷы ихаҭа ашкол ахь ацаара данызыхиоу" ҳәа. Гәыла-ԥсыла, афизиологиатә еиҿкаашьала, апсихологиалагьы. Ахәыҷы идунеидкылашьа шыҟоу, ихәыцшьа шыҟоу, игәынкылара шыҟоу ала иахәаԥшуеит. Ибзиоуп аҭаацәа ахәыҷы заанаҵы иазыҟаҵара иалагар. Иара анбанқәа идыруазара ҟалоит, акалам акышьагьы, аха уи ианаагаӡом ахәыҷы дазыхиоуп ашкол ахь ацара ҳәа. Раԥхьа иргыланы игәаҭатәуп илшоума иара атәара, аӡырҩра. Иара бзиа иибо аус акәымкәа, аҿыц изнарго еиликаауама, игәы ԥымҵәаӡакәа 15 минуҭ дтәаны уск изыҟаҵома, абри иахәаԥштәуп. Уи агәаҭара мариоуп, дарбанзаалакгьы ан илылшоит. Убри аан ан ахәыҷы ашкол ахь ишьҭразы илзацу агәыҩбара, ашәара ахәыҷы ирбара аҭахӡам", - ҳәа еиҭалҳәеит Хәарааԥҳа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.