Фиқреҭ Чкәакәԥҳа лҟаб-агәырхаага

© Foto / Саида ЖибаФикрет Чкок
Фикрет Чкок - Sputnik Аҧсны
Анапаҵаҩра
Бзиа изымбода аҟаб, аиҳарак аӡынра?! Ижәны, мамзар афрын аҟны иӡны, афҩы хааӡа иануаҳалак хымԥада ухнахуеит. Аха аҟаб иалхны еиуеиԥшым ахаа-мыхаақәа Аԥсны имаҷны иҟарҵоит, уи иазҟазоу аиҳарак аҳәаанырцәтәи ҳџьынџьуаа роуп. Аҟаб аҟаҵашьақәеи, иалырхуа афатәқәеи ртәы ҳзеиҭалҳәеит Ҭырқәтәыла аԥсуа қыҭа Калдахәара инхо Фиқреҭ Чкәакәԥҳа.

Саида Жьиԥҳа, Sputnik

Ҭырқәтәыла инхо аԥсуа ҭаацәарақәа аҟаб ианаамҭоу зыҩны иҩнам дыҟам. Ақыҭауаа рхала иаадрыхуеит, ақалақьуаа иаархәоит. Есыҽнытәи, аныҳәатәи аишәақәа ханарҭәаауеит.

"Аҟаб ҳзынҭаацәоу бзиа иаабоит. Сара еиҳа ирхааны иҟасҵоит, ачуан маҷк аӡы ҭаҭәаны, аҟаб рссаны инҭаҵаны, хахь ашьақар ақәԥсаны ахҩа насыркуеит. Ианжәлак, ачанах ианҵаны, акакан арыцқәа ххны иақәсырҳәҳәоит", - лҳәоит аԥшәмаԥҳәыс.

Фиқреҭ иҳаиллыркааит аҟаб жәны асас ианидыргало, ачанах анҵашьа ишацклаԥшуа. Насгьы агьама еиҳагьы еиӷьхарц азы иадыркылоит ашәырқалмышь, ацха, ашьақар ырӡҭны, ашоколад, аршәы уҳәа. Ачыс хадырҭәаауеит акакан ала.

© Foto / Саида ЖибаФикрет Чкок
Фиқреҭ Чкәакәԥҳа лҟаб-агәырхаага - Sputnik Аҧсны
Фикрет Чкок

Аԥшәмаԥҳәыс иазгәалҭеит, аҟаб аԥсуа ичыс аҟны есқьынагьы аҭыԥ ҷыда шамаз. Уи ауаҩы игәабзиара иазеиӷьуп, еиҳарак агәы чымазара змоу рзы, иарӡыҭуеит ахаҳә, иашьҭуеит имцхәу аӡы. Убас ихәшәуп агәаӷьгьы. 

Аҟаб ахархәара амоуп амажәа иалхны ахаа-мыхаақәа аныҟарҵогьы.

"Амажәа иҵаӷаны еиҵыхны, заанаҵы исырмазеиуа аҟаб иалху арпҵы агәыласҵоит. Уи агьама хада азҭо ауп аҟнытә, ирхаатәуп. Доусы бзиа ишибо еиԥш ашьақари, ахәшеи аиҭоит, иҟалоит акакан, ма ашьыхә ауҭар. Анаҩс аикәарҳәы аформала адырган ианысҵоит. Ианӡлак, ишԥхоу асас идугалар ауеит, убас ихьшәашәангьы. Ари ачысгьы хыхьла угәы иақәшәо ахаақәа рыла иурԥшӡоит", - ҳәа ҳаиллыркааит Фиқреҭ.

© Foto / Саида ЖибаФикрет Чкок
Фикрет Чкок  - Sputnik Аҧсны
1/2
Фикрет Чкок
© Foto / Саида ЖибаФикрет Чкок
Фикрет Чкок - Sputnik Аҧсны
2/2
Фикрет Чкок
1/2
Фикрет Чкок
2/2
Фикрет Чкок

Иазгәаҭатәуп, Ҭырқәтәыла инхо ҳџьынџьуаа аԥсуа чыс аныҳәатә чыс ҳәа ишырԥхьаӡо. Аҟаб мацара акәзаргьы иҟарҵо, рхала итәаны ирфаӡом, уи агьама рбарц иаарыԥхьоит рыуацәа, рҩызцәа, ргәылацәа. Уи ала еибабоит, Аԥсны иазааигәахоит.

Ажәабжьқәа зегьы
0