Аԥснытәи атаибоксиорцәа Урыстәылатәи ачемпионат иалахәуп

© Foto / предоставлено Теймуразом ГергедаваЧемпионат и Первенство Центрального и Северо-западного федеральных округов России по тайскому боксу
Чемпионат и Первенство Центрального и Северо-западного федеральных округов России по тайскому боксу  - Sputnik Аҧсны
Анапаҵаҩра
Урыстәыла Агәҭатәии Аҩада-мраҭашәаратәии аокругқәа рҿы таитәи абокс азы ачемпионат мҩаԥысуеит жәабран 3-7 рзы, Курск ақалақь аҟны.

АҞӘА, жәабран 5– Sputnik, Бадри Есиава. Суламита Цкәуаԥҳаи Леон Амҷбеи Курск имҩаԥысуаз таитәи абокс азы ачемпионат аҿы афинали афиналбжеи рахь инеиит ҳәа Sputnik иазеиҭеиҳәеит таитәи абокс азы Аԥсны Афедерациа аиҳабы Ҭеимураз Гергьедаа.

Аԥснытәи аспортсменцәа абокс азы аиндаҭлараҿы рхы бзианы иаадырԥшит - Sputnik Аҧсны
Аԥснытәи аспортсменцәа абокс азы аиндаҭлараҿы рхы бзианы иаадырԥшит

"Амҷба Леон афинал ахь днеит, уи алагьы таитәи абокс азы Урыстәыла Аԥхьахә ахь анеира илшоит. Суламита Цкәуаԥҳа афиналбжахь днеит, Урыстәыла ачемпионат ахь апутиовка лоуеит. Ари иаанаго адунеии Европеи рчемпионат ахьгьы анеираз алшара аиуроуп", - ҳәа еиҭеиҳәоит  Гергьедаа.

Иара убасгьы иҳәеит жәабран 5 рзы Курск дықәгылараны дшыҟоу Аԥснытәи аспортсмен Давид Амҷба. Аиааира агара илшар иара далахәхоит таитәи абокс азы Урыстәыла Аԥхьахә амҩаԥысра.

Гергьедаа иажәақәа рыла, ачемпионат аҿы иаиааиуа, 18 шықәса рҟынӡа зхыҵуа, аспорт азҟаза ҳәа ахьӡ шрыхҵахо.

"Алҵшәақәа бзиоуп. Уи адагьы ҳара иалҳаршеит аԥкаанҵақәа рҿы ҳаззықәгыло аобласт ахьӡ адагьы иадырбаларц ҳахьынтәааз, иаҳҳәап: "Брянск-Абхазия" ҳәа рыҩлоит", - ҳәа иҳәоит иара.

Афедерациа аиҳабы ишиҳәо ала, ачемпионат алахәылацәа разыҟаҵаратә ҩаӡара ҳаракуп, риааирагьы мариам.

Ачемпионат иалахәуп 300-ҩык рҟынӡа аспортсменцәа Урыстәыла еиуеиԥшым 21 регион рҟынтәи.

Ажәабжьқәа зегьы
0