АҞӘА, жьҭаара 16 – Sputnik, Бадраҟ Аҩӡба. Ален Аҩӡба аԥқьаҭасыҩ Алибек Качмазов иаԥигеит XXX аиубилеитә ԥкьаҭасратә турнир "ВТБ Кубок Кремля" актәи аикәшараан.
Аматч х-сетк имҩаԥысуан. Актәи аан Ален 6-1 ҳәа аиааира игеит. Аҩбатәи аан 4-6 ҳәа даҵахеит. Аихшьаалақәа рыла 1-1 ҟалеит. Ахԥатәи ахыркәшаратә сет аан 6-3 ҳәа Ален аԥыжәара игеит.
Алибек Качмазови Ален Аҩӡбеи рыхәмарраан аиааира згаз диндаҭлараны дыҟан атурнир аҿы аԥыжәара змоу, Шанхаи жьҭаара 13 рзы асериа "Мастерс" иатәу атурнир аҿы актәи аҭыԥ аанызкылаз Даниил Медведев. Аха Даниил Медведев "ВТБ Кубок Кремля" алахәхара мап ацәикит. Адунеитә реитинг аҿы уажәы Медведев ахԥатәи аҭыԥ аҿы дыҟоуп.
XXX аиубилеитә ԥкьаҭасратә турнир "ВТБ Кубок Кремля" аатит жьҭаара 12 рзы.
ВТБ Кубок Кремля — адунеитә ҩаӡара змоу еиндаҭлароуп, Урыстәыла ахьӡ-аԥша аҳәаанырцә ирыланарҵәоит. Абра заҵәык ауп адунеи аҿы ахацәеи аҳәсеи ртурнирқәа ахьеицымҩаԥырго.
Иара убас шәаԥхьар ҟалоит:
-
Ален Аҩӡба Тулуза имҩаԥысуаз аиндаҭлараҿы аиааира игеит
-
Ален Аҩӡба жәларбжьаратәи аԥкьаҭасратә турнир далахәхеит
