АҞӘА, ԥхынҷкәын 22 — Sputnik. Аҵарауаа ргәаанагарала Викториа иалшоит аӡынра хьаа-баада аӷыҵысра, аиҳаракгьы иара аҳәырԥсарра иахьаҵанакуа иаанхар.
"Кавказтәи аҳәырԥсарра иахьаҵанакуа иаԥҵаны иҟоуп абнатә ԥстәқәа рыԥсҭазаара шәарҭара иҭамыргылакәа рыҟазаара. Ҵыԥхтәи ашықәс азы Викториа аҳәырԥсарраҿы аӡынра ахнагеит. Иара ахәда иахаз ахәыдхаҵа адыррақәа ҳнаҭон ишышәарыцози ахымҩаԥгашьази рзы. Уажәгьы, абарҭ аҭыԥқәа иахьрыҵаркуа иаанхар, шәарҭара азыҟалом", — лҳәеит аҵарауаҩ Наталиа Вавилова.
Абжьас абнарахь ианоурышьҭлак ашьҭахь иара уа аҟазаашьа ашьклаԥшреи ахылаԥшреи арҭалоит Кавказтәи аҳәынҭқарратә ԥсабаратә биосфератә ҳәырԥсарреи, Кавказ абжьасқәа реиҭашьақәыргылара Ацентри, АНО "Кавказ аԥсабара Ацентри", Москватәи азоопарки, WWF рҟны аус зуа аҵарауааи иара убасгьы Аԥсны иара зҳәынҷаз Вадим Хынҭәбеи.
