13:48 24 Хәажәкыра 2019
Ишиашоу ицо аефир
  • USD63.77
  • EUR72.59
Архивное фото самолета авиакомпании Аэрофлот

Лондон аҭамзаара шьҭанаҵеит урыстәылатәи аҳаирплан аҿы имҩаԥгаз агәаҭарақәа рзы

© Sputnik / Максим Блинов
Адунеиаҿы
Икьаҿу ахьарԥш аиура
4 0 0

Аԥыррақәа ршәарҭадараз британиатәи Ацентр аҭамзаара шьҭанаҵеит урыстәылатәи аилахәыра "Аэрофлот" иатәу аҳаирплан аҟны аԥҟаррақәа зегьы еилаганы имҩаԥгаз агәаҭарақәа рзы. Ахҭыс аҭыԥ аман лондонтәи аҳаиртә баӷәаза Хитроу аҿы.

АҞӘА, мшаԥы 13 — Sputnik. Аԥыррақәа ршәарҭадараз британиатәи Ацентр аҭамзаара шьҭанаҵеит урыстәылатәи аилахәыра "Аэрофлот" иатәу аҳаирплан аҟны аԥҟаррақәа зегьы еилаганы имҩаԥгаз агәаҭарақәа рзы. Ахҭыс аҭыԥ аман лондонтәи аҳаиртә баӷәаза Хитроу аҿы ҳәа аанацҳауеит РИА Новости Урыстәыла атранспорт аминистр Максим Соколов иажәақәа ҵаҵӷәыс иганы.

Британиа ду аҩныҵҟатәи аусқәа рминистр ихаҭыԥуаҩ Бен Уоллас уаанӡа аҳәамҭа ҟаиҵахьан аҳаиртә баӷәаза Хитроу аҟны урыстәылатәи аҳаирплан агәаҭарақәа мҩаԥган ацәгьоурақәа ирҿагыло астандарт процедурақәа рҳәаа иҭагӡаны ҳәа.

Хәажәкыра 30 рзы британиатәи аполициеи аҳазалхыҩцәеи аԥҟаррақәа зегьы еилаганы ареис Лондон — Москва агәаҭаарқәа мҩаԥыргеит. Ззин ыҟамыз маҭәарк иашьҭан, иара убри аан асеиԥшқәа раан иахәҭаны иҟаз акт шьақәыдмыргылаӡеит.

Уи адагьы агәаҭарақәа раан аекипаж аҳаирплан аанрыжьырц адҵа ҟарҵеит. Британиа иҟоу Ацҳаражәҳәарҭа ахаҭарнак иҽаналеигала ашьҭахь, аҳаирплан акапитан азин иҭан акабинаҿ даанхарц азы.

Абри аганахь ала Британиа иҟоу Урыстәыла Ацҳаражәҳәарҭа Британиа Адәныҟатәи аусқәа рминистррахь анота нанашьҭит. Анотаҿ дҵаны иқәыргылан ахҭыс мзызс иамаз арзара.

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    24
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    64
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55