АҞӘА, рашәара 13— Sputnik. Америка апрезидент Дональд Трамп аҳәамҭа ҟаиҵеит Ким Чен Ыни иареи иаразнакы рҳәоу шеиқәшәаз атәы. Сингапур, рашәара 12 рзы имҩаԥысит аҭоурых аҿы ЕАШ-и КНДР-и рхадацәа реиԥылара. Абри атәы аанацҳауеит РИА Новости.
"Аханатә ҳҳәоу еиқәшәеит. Дхада ӷьаҩуп. Иҟазшьа бзианы избеит. Даара дҟәышуп. Астратегиатә хәыцра змоу уаҩны дызбеит", — иҳәеит Трамп Fox News аинтервиу аҭо.
Иара убри аан Ким Чен Ы низы уаанӡатәи игәынамӡарақәа изыҵәахуам.
Уаанӡа Сингапуртәи асаммит Twitter аҟны дахцәажәо Дональд Трамп ҭабуп ҳәа ахиҳәааит КНДР ахада иҟаиҵаз ашьаҿа. Иагьазгәеиҭеит аиадертә бџьар мап ацәикыр адунеи азы хра аманы ишыҟало.
Сингапур, рашәара 12 рзы имҩаԥысит аҭоурых аҿы ЕАШ-и КНДР-и рхадацәа реиԥылара. Иара аихшьаалақәа рыла Дональд Трампи Ким Чен Ыни рнапы аҵарҩит аиқәшаҳаҭра. Уи инақәыршәаны Кореиатәи адгьылбжьаха денуклеаризациа иахыжьхоит.
