Венесуела амаҵзура ҷыдақәа америкатәи абџьар аконфискациа азыруит

© Foto / GD Endes Palencia OrtizВ Венесуэле конфисковали партию оружия из США
В Венесуэле конфисковали партию оружия из США - Sputnik Аҧсны
Анапаҵаҩра
Маиаминтәи иааз аҳаирплан Air Bus абџьар ҭан.

АҞӘА, жәабран 7 - Sputnik. Венесуела атәылауаҩратә шәарҭадара аминистр ихаҭыԥуаҩ Ендес Паленсиа еиҭеиҳәеит атәыла аҩадатәи ахәҭа аҳаиртә баӷәазақәа руак аҿы амаҵзура ҷыда аусзуҩцәа ЕАШ аҟынтәи иааз абџьар рыԥшааит ҳәа. Иара атеррористтә гәыԥқәа ирызкын ҳәа аҳәоит РИА Новости.

Аштат Карабобо жәларбжьаратәи аҳаиртә баӷәаза Валенсиа аҟны Боливариантәи амилаҭтә гвардиа аоперациа ҷыда мҩаԥыргеит.

Спикер парламента Венесуэлы, провозгласивший себя президентом, Хуан Гуаидо - Sputnik Аҧсны
Гуаидо Мадуро заанаҵтәи апарламенттә алхрақәа мҩаԥгатәуп ҳәа ииҳәаз хшыҩдараны дахәаԥшуеит

"19 винтовка, 118 магазин, 90 радиоантенна, аифонқәа фба ԥшаан", - ҳәа иҳәоит Ендес Паленсиа  Twitter аҿы.

Иара иазгәеиҭеит аинформациеи иԥшааз абџьари апрокуратура хадахь ишрыҭаз аҭҵаарази урҭ ирыдҳәалоу ауаа рыԥшаарази.

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент аспикер Хуан Гуаидо ажьырныҳәа 23 рзы атәыла ахадас ихы рылеиҳәеит.

Иахьатәи аамҭазы Гуаидо истатус адгылара арҭеит: ЕАА, Канада, Аргентина, Бразилиа, Чили, Колумбиа, Коста-Рика, Гватемала, Гондурас, Панама, Парагваи, Перу, Қырҭтәыла. Урыстәыла акәзар Мадуро Венесуела закәаншьаҭала иалху хаданы дрыԥхьаӡоит.

Ажәабжьқәа зегьы
0