АҞӘА, хәажәкыра 12 - Sputnik. Еврокомиссияеи Британиа дуи ирландиатәи аҳәаа адгылараз амеханизм цҵа хазырҭәаауа адокумент азы еицеиқәшаҳаҭхеит. Ари аиқәшаҳаҭра иалнаршоит Brexit азы Британиа аратификациа амҩаԥгара ҳәа иҳәоит РИА Новости.
"Иахьа аԥыза-министри сареи ҳаилацәажәеит аҿыҵразы аиқәшаҳаҭрахь иаҵанакуа азиншьаҭа змоу азеиԥштә документ азы. Адокумент азинтә хәдықәҵарақәа иреилыркаагоуп", - ҳәа иҳәоит Еврокомиссиа ахада Жан-Клод Иункер Британиа аԥыза-министр Тереза Меии иареи еицымҩаԥыргаз апресс-конференциаҿы.
Аҩашаҽны британиатәи апарламент аҿы имҩаԥысраны иҟоуп аиқәшаҳаҭразы абжьыҭира.
Ажьырныҳәамзазы адепутатцәа бжьеиҳала адҵа ҟарҵеит ирландиатәи аҳәаа иаҵанакуа ахәҭаҿы аԥсахрақәа алагалазарц.
Британиеи Еврокомиссиеи рыбжьаратәи аиқәшаҳаҭра иахьазы ишыҟоу ала иазыԥхьагәанаҭоит ахыхьчаратәмеханизм "бэкстоп". Иара азырхоуп Евроеидгыла иалоу Ирландиеи Еидҵоу Акралра иалоу Аҩадатәи Ирландиеи рыбжьара Brexit ашьҭахь аҳәаа аҟамлара. Еиҳа еиӷьу аиқәшаҳаҭра аҭыԥ амоур Аҩадатәи Ирландиа иҷыдоу ҵакырадгьылны ишьақәгылар алшоит. Убри аан уи аԥакырадгьыл Евроеидгылагьы Еидҵоу Акралрагьы ирылахәхоит.
