23:51 12 Ԥхынҷкәын 2019
Ишиашоу ицо аефир
  • USD63.23
  • EUR70.43
Ҩ-миллиардк ауааԥсыра рҟынӡа ирызхаша аӡыржәтә рымам

Еиду амилаҭқәа реиҿкаара: ҩ-миллиардҩык рҟынӡа ирызхаша аӡыржәтә иалхәдоуп

© REUTERS / Mike Hutchings
Адунеиаҿы
Икьаҿу ахьарԥш аиура
47 0 0

Аӡтәы ресурсқәа Адунеизегьтәи рымш аламҭалазs Женева, аӡи асанитариеи рзы ЕАР Акоординациатә усуреи (UN Water) ИУНЕСКОи ажәахә ҟарҵеит аӡтәы ресурсқәа рдунеитә ҿиара иазкны.

АҞӘА, хәажәкыра 19 – Sputnik. Ҩ-миллиардк ауааԥсыра рҟынӡа ирызхаша аӡыржәтә рымам, ацқьаратә ҭагылазаашьа иалхәдоуп ҳәа аанацҳауеит  РИА Новости, ЕАР ажәахә ҵаҵӷәыс иҟаҵаны.

Адунеи аҟны жәаҩык рҟынтәи хҩык аӡыцқьа рымам, жәаҩык рҟынтәи фҩык иреиҵаӡоу асанитартә ҭагылазаашьақәа ирылхәдоуп ҳәа аҳәоит ажәахә аҿы.

Зыцқьара шьақәыргылам аӡыржәтә аиҳарак Африка атәылақәа рҿоуп иахьыҟоу. Уа 24% заҵәык роуп иацәымшәакәа иржәыша аӡы зауа.

Аӡиасқәа
© Sputnik / Томас Тхайцук

Аӡы амазааразы урҭ атәылақәа рыҩнуҵҟагьы иҟоу аҭагылазаашьақәа еиԥшым. Ибеиоуи иӷаруи рыбжьара аӡыржәтә ацқьара акыр еицәыхароуп.

Аекспертцәа иазгәарҭоит адунеи аҿы аӡытә ресурсқәа ирхырҟьаны аимакқәа еиҳа-еиҳа ирацәахоит ҳәа. Убас, 2000 - 2009 шықәсқәа рзы 94 еимак ыҟазҭгьы, 2010 - 2018 шықәсқәа ирҭагӡаны ари арбага 263 рҟынӡа ихалеит.

"Аҭагылазаашьа иахьа ишыҟоу еиӷьымхар, 2050 шықәса рзы 45% адунеитә зеиԥш аалыҵи 40% адунеитә рыцаарыхреи ашәарҭара иҭагылоит. Иӷару ауааԥсыра акыр анырра бааԥс роуеит. Иахьатәи рҭагылазаашьа еиҳагьы еицәахоит. 2019 шықәсазтәи ажәахә асоциалтә еиҟарамра аҭышәныртәаларазы аполитикатәии апрактикатәии знеишьақәа аанарԥшуеит", - иҳәоит UN Water ахантәаҩы, Жәларбжьаратәи ақыҭанхамҩатә фонд ахада Жильбер Унгбо.

Уи адагьы, ажәахә аҿы иазгәаҭоуп ишәарҭам аӡыржәтәи асанитариеи рымазаара ауаҩытәыҩса изин хадақәа ируакуп ҳәа.

Адунеитә ӡытә ресурсқәа рыҿиара иазку ажәахә есышықәса иҟарҵоит.

 

Ихадоу атемақәа