АҞӘА, хәажәкыра 20 - Sputnik. Нурсултан Назарбаев ареспубликатә каналқәа рыла аҳәамҭа ҟаиҵеит атәыла ахада иҳасаб ала изинмчрақәа мап шырцәикуазы. Абри атәы аанацҳауеит Sputnik Казахстан.
"Сара аӡбра сыдыскылеит Ҟазахсҭан ахадак иҳасаб ала сзинмчрақәа мап рцәыскырц. Сынтәи иҵуеит 30 шықәса атәыла ахадараҿы сыҟоижьҭеи. Насыԥ сыман ихьыԥшым Ҟазахсҭан актәи ахадас ҳәа сахьыҟалаз", - ҳәа иҳәеит Назарбаев.
Назарбаев Ҟазахсҭан ашәарҭадаратә Хеилак ахантәаҩык, апартиа Nur Otan ахантәаҩыки, ареспублика Аконституциатә хеилак алахәылак рыҳасаб ала инапынҵақәа шынеигӡац инеигӡалоит.
