22:24 21 Цәыббра 2019
Ишиашоу ицо аефир
  • USD63.85
  • EUR70.60
НАТО амаӡаныҟәгаҩ хада Иенс Столтенберг

НАТО ааԥхьара ҟанаҵеит Урыстәыла Аԥсныи Аахыҵ Уаԥстәылеи разхаҵара иацәхьаҵырц

© Sputnik / Алексей Витвицкий
Адунеиаҿы
Икьаҿу ахьарԥш аиура
42 0 0

НАТО амаӡаныҟәгаҩ хада Иенс Столтенберг Қарҭ дааны дыҟоуп алианси Қырҭтәылеи еицымҩаԥырго арратә ҵарақәа рылахәхаразы.

АҞӘА, хәажәкыра 25 - Sputnik. НАТО амаӡаныҟәгаҩ хада Иенс Столтенберг Урыстәылахь ааԥхьара ҟаиҵеит Аԥсныи Аахыҵ Уаԥстәылеи разхаҵара мап ацәнакырц, иагьазгәеиҭеит алианс Қырҭтәыла аҵакырадгьыл акзаара ишадгыло. Абри атәы аанацҳауеит РИА Новости.

Столтенберг агәрагара ааирԥшуеит Қырҭтәыла хымԥада ԥхьаҟа алианс ишалахәхо азы, убри аан алианс алалара аҿҳәара даламцәажәеит, Аԥсныи Аахыҵ Уаԥстәылеи рыда уи алшо иалымшогьы даламцәажәеит.

"Қырҭтәыла – НАТО иҷыдоу апартниор ауп. Ҳара ишьақәҳарӷәӷәоит 2008 шықәсазтәи Бухаресттәи асаммит аӡбамҭа амчра аманы ишаанхо, Қырҭтәыла ԥхьаҟазы хымԥада алианс ишалахәылахо. Шәтәыла иахьазы НАТО иалахәылам, аха ҳус аҿы алагалақәа рацәоуп. Имҩаԥысуа аицҽазыҟаҵарақәа ракәзаргьы, абри азы иҿырԥшыгоуп", - иҳәеит иара.

Столтенберг Қарҭ иҟазаараан далацәажәеит Амшын еиқәаҿгьы Қырҭтәылеи алианси реинырра азҵаара.

"Ҳара ибзианы еилаҳкаауеит Урыстәыла Амшынеиқәаҿтәи арегион аҿы амчра ахьарӷәӷәо агәҭынчымра шацу. Убри азоуп ҳусеицурагьы зҳарӷәӷәо, ҷыдала, афлот аганахьала", - иҳәеит Столтенберг.

Уаанӡа Урыстәыла ахада Владимир Путин аҳәамҭа ҟаиҵахьан НАТО имҩаԥнаго аҽырҭбаара шшәарҭоу.

Қырҭтәылеи НАТОи реинырра хацыркхеит 1994 шықәса рзы, атәыла апрограмма "Партнерство ради мира" ианалахәылаха ашьҭахь. 2004 шықәсазтәи Қырҭтәылатәи ареволиуциа ашьҭахь, ари аинырра еиҳагьы аҽарҭбааит.

2008 шықәса рзы Бухарест имҩаԥысуаз НАТО асаммит аҿы иҳәан Қырҭтәыла ԥхьаҟа алианс иалахәылахар ҟалоит ҳәа.

 

Ихадоу атемақәа