23:22 16 Цәыббра 2019
Ишиашоу ицо аефир
  • USD63.83
  • EUR70.67
Дмитри Медведев

Медведев Зеленски иалхразы: аиллиузиа ҳәа акгьы сымам

© Sputnik / Сергей Гунеев
Адунеиаҿы
Икьаҿу ахьарԥш аиура
30 0 0

Урыстәыла аԥыза-министр Дмитри Медведев ахҳәаа риҭеит Украина имҩаԥысыз алхрақәа.

АҞӘА, мшаԥы 22 – Sputnik. Украина имҩаԥысыз атәыла ахада иалхрақәа иҿаҿаӡа иаадырԥшит Украина иҟоу апроблема аӡбара азнеишьа ҿыцқәа аҭахны ишыҟоу ҳәа иҳәеит Урыстәыла аԥыза-министр Дмитри Медведев.

Дмитри Медведев иазгәеиҭеит Украина ахада ҿыц иҿаԥхьа иқәгылоу азҵаарақәа ирхаданы ишыҟоу ажәлар реизакра, аҵыхәтәантәи аамҭазтәи аҭагылазаашьақәа азыԥхьагәаҭаны ҳәа.

"Сара иарбанызаалак иллиузиа сымам: ахада ҿыцгьы Урыстәыла аганахьала уаанӡатәи ариторика дацәхьаҵып ҳәа сыҟам. Аха уеизгьы Украинеи Урыстәылеи рыбжьара аизыҟазаашьақәа реиӷьтәра алшоит, амала уи акыр ҭакԥхықәрала иазнеитәуп", - иҩуеит Медведев ВКонтакте аҿы.

Медведев Украина анапхгара ҿыц ирзеиӷьеишьеит Урыстәылеи Украинеи рыжәларқәа ҭоурыхла реизыҟазаашьа иамоу аҵакы инарҵауланы адырра, "аполитикатә кониунктура еиҳахартә аҟлара".

Украина ахада иалхра аҩбатәи атур мҩаԥысит амҽыша, мшаԥы 21 рзы. Атәыла ахада Петр Порошенкои Владимир Зеленскии еиндаҭлон.

Ателеканал "1+1" иаанагаз Еxit poll адыррақәа рыла, абжьыҭира хыркәшахеит Зеленски ииааирала, уи иоуит 72,7% инарзынаԥшуа абыжьқәа.

Ихадоу атемақәа