АҞӘА, лаҵара 24 – Sputnik. Шьамтәылатәи ар авертолиотқәа рҟынтәи ауааԥсыра ашәҟәыбӷьыцқәа рыларыԥсо иалагеит, апровинциа Идлиб ауааԥсыра рыҩнқәа ирхыҵырц, атеррористцәа рҟынтәи рыхрақәиҭтәразы арратә операциа иахьалаго инамаданы. Абри атәы аанацҳауеит РИА Новости, агазеҭ al-Watan адыррақәа ҵаҵӷәыс иҟаҵаны.
"Шьамтәылатәи ар авертолиотқәа рҟынтәи ауааԥсыра ашәҟәыбӷьыцқәа рыларыԥсо иалагеит, провинциа Идлиб ауааԥсыра рыҩнқәа ирхыҵырц, атеррористцәа рҟынтәи рыхрақәиҭтәразы арратә операциа иахьалаго инамаданы", - ҳәа аҳәоит адырраҭараҿы.
Ииасыз ахашаҽны авиациа рхы иархәо еибашьуан атәыла аруааи атеррористцәеи ақалақь Кафр-Набуда иахьаҵанакуаз.
Урыстәыла Атәылахьчара аминистрра адыррақәа рыла, лаҵара 22 рзы "Джебхат ан-Нусра" Кафр-Набуда рнапахьы иааргарц имҩаԥыргаз ажәыларақәа хԥа аԥырҟәҟәаан. Ажәылара иалахәын 500-ҩык рҟынӡа атеррористцәа.
