00:49 21 Ԥхынгәы 2019
Ишиашоу ицо аефир
  • USD62.87
  • EUR70.79
Қырҭтәыла аилаҩеиласрақәа мҩаԥысуеит

Қырҭтәыла аилаҩеиласрақәа мҩаԥысуеит

© REUTERS / IRAKLI GEDENIDZE
Адунеиаҿы
Икьаҿу ахьарԥш аиура
21 0 0

Қарҭҟа Урыстәыла аҳәынҭқарратә Дума адепутат Сергеи Гаврилов инеира иаҿагылаз акциа аилаҩеиласрахь икылнагеит.

Sputnik

Урыстәыла аҳәынҭқарратә Дума адепутат Сергеи Гаврилов Қарҭ Аҳәынҭқарратә еилатәаратә хан аҟны иқәгылара аҭакс ақырҭуа оппозициа аԥшьаша, рашәара 20 рзы аҿагыларатә акциа амҩаԥгара иалагеит.

Гаврилов Қырҭтәыла апарламент асессиа аилатәара ааиртит апарламент аиҳабы иҟәардә дықәтәаны. Ари згәамԥхаз аоппозиционерцәа "аԥсадгьыл шәҭиит" ҳәа Қырҭтәыла амчрақәа ирҿагылеит, адепутат аамҭаказ Аԥсныи Аахыҵ Уаԥстәылеи рхьыԥшымра дадгылан иқәгылара ргәаларшәо. Абри атәы аанацҳауеит Sputnik Ближнее зарубежье ателеграмм-канал.

Апарламент аҿы апротокол еиларгеит ҳәа рҳәеит, аха асессиа аусура еиԥҟьан. Ахыбра аполициаа акәшан игылеит.

Акции протеста перед грузинским парламентом, 21 июня 2019
© REUTERS / IRAKLI GEDENIDZE
Қарҭ 160-ҩык акциа алахәылаҩцәеи 80-ҩык аполициауааи аахақәа роуит.

Апарламент ахь инеит зықьҩыла ауаа, апарламент ахантәаҩи, Аҩнуҵҟатәи аусқәа рминисттреи Аҳәынҭқарратә шәарҭадаратә маҵзуреи реиҳабацәеи ԥхьатәара ицарц адҵа ҟаҵо.

Қырҭтәыла аԥыза-министр аоппозициаа атәылаҿ аҭагылазаашьа ҵыршәаауеит ҳәа дықәгылеит.

Аполициа ауаа реимырпразы аӡыԥсаҟьагақәеи арезинатә лабақәеи рхы иадырхәеит.

Қырҭтәыла ахада Саломе Зурабишвили официалтә визитла Минск дахьыҟаз аҳәамҭа ҟалҵеит. Лара лажәақәа рыла, иҟалаз зхароу Кремль ауп.

Рашәара 21 аполициаа ирылшеит ауаа реимырпра. Акциа алахәылацәа 160–ҩыки 80-ҩык аполициауааи аахақәа роуит.

© AP Photo. Zurab Tsertsvadze
Қарҭ аҿагыларатә акциа алахәыла

Урыстәыла Адәныҟатәи аусқәа рминистр ихаҭыԥуаҩ Карасин арадикалцәа жәларбжьаратәи афорум рхы иадырхәеит Урыстәыла иаҿагыланы ақәгылараз ҳәа иҳәеит.

Аԥсны Адәныҟатәи аусқәа рминистр Даур Ақаҩба Facebook аҿы иҩуеит Қырҭтәыла апарламент адепутат Акаки Бобохиӡе Аԥсны атәылауаа ахьишьуаз азы аҭакԥхықәра дақәыршәатәуп ҳәа.

"Ақырҭуа парламентари, "Европейская Грузия" алахәыла Акаки Бобохиӡе аиашахаҵаратә уахәама Апарламентбжьаратә ассамблеиаҿ дықәгыланы иҳәеит Аԥсны ауааԥсыра шишьуаз. Аԥсуа ган иалшо ҟанаҵоит уи аҭакԥхықәра дақәшәарц", - иҳәоит Ақаҩба.

Публикация Даура Кове на Facebook
Facebook аҿы Даур Ақаҩба икьыԥхьымҭа

Ақырҭуа оппозициа рыдгылаҩцәа рахь ааԥхьара ҟарҵеит ахәаша, асааҭ 19:00 рзы амҩадуқәа рахь ицәырҵырц.

Ихадоу атемақәа