14:29 20 Ԥхынгәы 2019
Ишиашоу ицо аефир
  • USD62.87
  • EUR70.79

Ердоган: иаҭаххар С-400 ахархәара аиуеит

© Sputnik / Сергей Мальгавко
Адунеиаҿы
Икьаҿу ахьарԥш аиура
3 0 0

С-400 ахархәара роуеит иаҭахны иҟалар ҳәа иҳәеит атәыла ахада Реџьеп Таип Ердоган.

АҞӘА, ԥхынгәы 10 – Sputnik. Ҭырқәтәыла ахада Реџьеп Таип Ердоган аҽзныкгьы ишьақәирӷәӷәеит Ҭырқәтәыла мап шацәнамкуа азенит-ракетатә комплексқәа (ЗРК) С-400 раахәара, урҭ атәыла иажәлар ахархәара шрыҭахо. Абри атәы аанацҳауеит РИА Новости агазеҭ Yeni Safak адыррақәа шьаҭас иганы.

"Ҳара иҳамоуп азини алшареи С-400 иахәҭаны ианыҟала ахархәара. Асистема ахархәара аҳҭоит иҳажәлар, ашәарҭадара ҳҭадыргылар", - иҳәеит атәыла ахада.

Уаанӡа Европеи Евразиеи русқәа рзы ЕАШ аҳәынҭмаӡаныҟәгаҩ ицхырааҩ Уесс Митчелл игәаанагара иҳәахьан урыстәылатәи акомплексқәа С-400 раахәара Вашингтони Анкареи рыбжьара аибарххара арҿиоит ҳәа.

Уи аҭакс Анкара аӡәгьы иазҵаара агәы иҭаӡам, азенит-ракетатә комплекс С-400 аахәаразы ҳәа иҳәеит Ҭырқәтәыла Ахада Таип Ердоган Бишкек имҩаԥысуаз абизнес-форум аҿы.

Анкара С-400 ахьаанахәо инадҳәаланы ЕАШ аконгресс иааннакылеит Ҭырқәтәылаҟа F-35 анашьҭра. Уи адагьы ЕАА аҵара зҵо ҭырқәтәылатәи аԥрыҩцәа F-35 апрограмма иалархәхом ҳәа аӡбра рыдыркылеит.

ЕАА агәаанагарала С-400 НАТО астандартқәа ирықәшәом.

С-400 "Триумф" - урыстәылатәи зениттә ракетатә системоуп. Иара ахархәарахь ирыдыркылеит 2007 шықәса рзы.

 

Ихадоу атемақәа