АҞӘА, ԥхынгәы 30– Sputnik. Жәларбжьаратәи аԥхьахә RT Khaled Alkhateb Memorial Awards 2019 аиураан аԥыжәара роуит Шьамтәыла, Ирак, Ливиа рҟны аимак атәы иалацәажәаз Урыстәыла, Америка, Италиа, Индиа ржурналистцәа. Аԥхьахә Шьамтәыла иҭахаз Халеде аль-Хатыб, RT Arabic аус ацызуаз ажурналист игәалашәара иазкуп.
Халед аль-Хатыб ихьӡ зху аԥхьахә ранашьара мҩаԥысуеит х-номинациак рыла: Khaled Alkhateb Memorial Awards 2019 ажиури х-категориак: "Аиҿагылара аҭыԥ аҟынтәи иреиӷьу аусумҭа: Авидео ау", "Аиҿагылара аҭыԥ аҟынтәи иреиӷьу аусумҭа: Авидео кьаҿ", "Аиҿагылара аҭыԥ аҟынтәи иреиӷьу аусумҭа: Атекст". рҟны иаиааиз алыркааит.
Аԥхьахә еимаркуан 25 тәыла рҟынтәи ажурналистцәа.
"Аусумҭақәа адунеи ахәҭақәа жәпакы рҿы аимакқәа рымҩаԥысра атәы еиҭарҳәон. Ажиури азы акыр ауадаҩра аман иреиӷьу аусумҭа алкаара" ҳәа еиҭалҳәоит RT адиректор хада лхаҭыԥуаҩ Анна Белкина.
Аиааиҩцәа:
1. "Аиҿагылара аҭыԥ аҟынтәи иреиӷьу аусумҭа: Авидео кьаҿ"
— Фаусто Билославо (Италиа), "Битва за Триполи" (The Battle Of Tripoli).
2. "Аиҿагылара аҭыԥ аҟынтәи иреиӷьу аусумҭа: Авидео ау".
— Амитабх Реви (Индиа), "Пальмира: возродиться, как феникс из пепла" (Palmyra Ravaged By Daesh, A Bid To Rise Like The Phoenix).
— Антон Степаненко (Урыстәыла), "Ракка. Жизнь после войны" (Raqqa. Life After War).
3. "Аиҿагылара аҭыԥ аҟынтәи иреиӷьу аусумҭа: Атекст".
— Кеннет Розен (ЕАА), "После ИГ" (After ISIS).
Khaled Alkhateb Memorial Awards 2019 ажиури
Khaled Alkhateb Memorial Awards 2019 ажиури иалахәын арратә корреспондент Евгени Поддубный, ажурналист, амҩаԥгаҩ Ирада Зеиналова, ажурналист, ашәҟәыҩҩы, аексперт Ева Голинджер, AIB жәларбжьаратәи ассоциациа адиректор Том Регг, RT International акорреспондент Мариа Финошина, RT Arabic амҩаԥгаҩ Салиам Мусафир.
Аԥхьахә Khaled Alkhateb Memorial Awards аҟны аиааира згаз рыхьӡқәа рыларҳәан ԥхынгәы 30 рзы — 25 шықәса зхыҵуаз RT Arabic ажурналист Халед аль-Хатыб данҭахаз аҽны.
Халед аль-Хатыб дҭахеит апровинциа Хомс аҿы 2017 шықәса рзы. Владимир Путин инапы аҵеиҩит Халед аль-Хатыб "Афырхаҵараз" амедал ианашьаразы Аусԥҟа. Амедал ажурналист иҭаацәа ирыҭан Khaled Alkhateb Memorial Awards актәи ацеремониа аан.
