АҞӘА, нанҳәа 6 — Sputnik. Агазеҭ Guardian ԥшьымз рышьҭахь иазханаҵеит ишиашамыз, Sputnik аҿаԥхьагьы аҭамзаара шьҭанаҵеит ҳәа аанацҳауеит РИА Новости.
"Ҳара ҳзы аиашара акраҵанакуеит. Апроект Fake or for real бзиа избо шәакәзар, шәаԥхьа: мшаԥы 19 рзы ҳара агәыҩбара ҳнаҭеит Нотр-Дам амцакраан иҟаз афотосахьа аредакциа азууп ҳәа. Ҳара иҽҳамаидеит афотоҭыхыҩ. Аҭамзаара шьҭаҳҵоит уаанӡатәи ҳәажәақәа рзы", - аҩуеит Guardian Instagram аҟынтәи Stories аҿы.
Мшаԥымзазы Нотр-Дам амцакраан Sputnik France акорреспондент иҭыхымҭа ркьыԥхьит британиатәи АИХқәа. Афотосахьаҿ мрагыларатәи хаҿсахьа змоу ҩыџьа арԥарацәа аччаԥшь рҿықәыҳәҳә ибылуаз ауахәама иадгыланы рфотосахьа ҭыхын.
Аредакциа ахҳәаа анамҭеит, аха асахьа иаарласны асоциалтә ҳақәа рҿы аларҵәара аиуит, иагьырҳәеит аԥсылманцәа арыцҳара еигәырӷьоит ҳәа.
Мшаԥы 19 рзы Guardian афотосахьа Fakeor for Real ("Фейк или правда") аҟәшаҿы иқәнаргылеит.
Guardian ақәшаҳаҭхеит уаанӡа аредакциа азууп ҳәа зыхнаҳәааз, Нотр-Дам амцакраан Sputnik иҟанаҵаз афотосахьа аредакциа азумызт ҳәа.
Абар уажәы, агазеҭ Guardian ԥшьымз рышьҭахь иазханаҵеит ишиашамыз Sputnik аҿаԥхьагьы аҭамзаара шьҭанаҵеит.
