АҞӘА, цәыббра 6 – Sputnik. Аԥсны иҟоу урыстәылатәи атанкистцәа ҳаамҭазтәи атанкқәа рҟынтә 125-миллиметра иҟоу ахысгақәеи атанк иаҿагыло аракетақәеи рыла Адыгатәыла иҟоу аполигон "Майкопский" аҿы аибашьратә ҽазыҟаҵарақәа мҩаԥыргеит ҳәа аанацҳауеит Аладатәи арратә округ апресс-маҵзура.
Аҵаратә ҽазыҟаҵарақәа раан аррамаҵзурауаа атанктә дуель аметод рхы иархәаны аибашьра амҩаԥгашьазы рылшарақәа еиӷьыртәуан. Атанктә дуель ҳәа изышьҭоу аметод аан атанкқәа руак аҽыҵәахны иҟоуп, аҩбатәи аҭыԥқәа еиҭакуа ихысуеит. Ахысрақәа мҩаԥыргон зкалибр дуу ахыԥсаҟьагақәа "Корд" рыла.
Аекипаж иҟарҵо зегь азы анапхгаҩы адырра ирҭоит, уи ахәшьара аиҭарц азы.
Уи адагьы, аекипаж аҭагылазаашьа аибашьратә ҭагылазаашьаҵәҟьа акыр иазааигәатәны атехника ахархәара арҭоит, иалыркаауеит еиҳа иманшәалоу ахысырҭатә ҭыԥқәа, еиҭаҵуеи еиҭамҵуеи ацәҟьарақәа иреихсуеит.
Ҩымчыбжьа рыҩнуҵҟа аполигон "Майкопский" аҿы имҩаԥысуаз аҽазыҟаҵарақәа ирылахәын 100-ҩык атанкистцәа, ахархәара рыҭан 40 кәылӡтәы машьына.
Иара убас шәаԥхьар ҟалоит:
-
Аԥсны иҟоу урыстәылатәи аруаа "амшынтә десант ажәылара" аԥдырҟәҟәааит
