АҞӘА, цәыббра 18 – Sputnik. НАТО аҳәынҭмаӡаныҟәгаҩ Иенс Столтенберг "ихьыԥшым дыррақәак" ҵаҵӷәыс иганы аҳәамҭа ҟаиҵеит Урыстәыла аракетатә системақәа аус рыднаулоит ҳәа. Абри атәы аанацҳауеит РИА Новости.
"Проблемас иҟоу уи ауп, шықәсқәак раԥхьа Урыстәыла аиадертә лшара змоу абжьаратә ракетатә системақәа аус рыдуланы, Европа иахьаҵанакуа рыргылара иалагеит. Аракетақәа инеиҭоуга-ааиҭоуго роуп, рҭаԥшыхәра уадаҩуп. Дара аиадертә бџьар ахархәараз адыррақәа ладырҟәуеит", - иҳәеит Столтенберг.
Уи адагьы, алианс аҳәынҭмаӡаныҟәгаҩ иазгәеиҭеит НАТО аҟынтәи адгылаҩцәа зегьы ЕАА ДРСМД азы аиқәшаҳаҭра иалҵыр иашоуп ҳәа ахырҳәааит ҳәа. Уи ззырхаз Урыстәыла аиқәшаҳаҭра аԥҟарақәа иахьрықәымныҟәоз акәын.
"Урыстәыла аиқәшаҳаҭра аԥҟарақәа ирзыхнымҳәит. Аилаӡара еилаганы абџьар ҿыц аус адулареи ахархәареи ишырҿыц ирҿуп", - иҳәеит иара, аха убри аан уи зыршаҳаҭуа ҳәа акгьы изымҳәеит.
Уаанӡа, Урыстәыла атәылахьчара аминистрра адырра ҟанаҵахьан "Урыстәыла иарбанызаалак абџьар ҿыцк ԥнамшәацт, аракетақәагьы Европа аҵакыраҿы рыргылара азыԥхьагәанаҭом, уа Америка иҭрыжьыз абџьарк нанагаанӡа" ҳәа.
