13:12 21 Жьҭаара 2019
Ишиашоу ицо аефир
  • USD63.95
  • EUR71.13

Песков Венесуела ацхырааразы: ҳусеицура иацаҳҵоит

© Sputnik / Алексей Дружинин
Адунеиаҿы
Икьаҿу ахьарԥш аиура
5 0 0

Урыстәыла ахада Владимир Путин Венесуела ахада Николас Мадуро диԥылеит цәыббра 25 рзы. Аиԥылараан иара иҳәеит Венесуела алигитимтә мчрақәа адгылара шриҭо.

АҞӘА, цәыббра 26 - Sputnik. Урыстәыла ахада Владимир Путин ипресс-маӡаныҟәгаҩ Дмитри Песков аҳәамҭа ҟаиҵеит Москвеи Каракаси арра-техникатә усеицура аҳәаақәа ирҭагӡаны русура иацырҵоит ҳәа. Абри атәы аанацҳауеит РИА Новости.

"Москвеи Каракаси арра-техникатә усеицура аҳәаақәа ирҭагӡаны русура иацырҵоит. Уахь инашьҭу арратә техника амаҵ ауразгьы арратә ҟазацәа аусурақәа мҩаԥыргоит", - иҳәеит иара.

Венесуела ацхыраара аҭара ашәагаа атәы Путини Мадурои аламцәажәеит иҳәеит Песков. Убри аан иазгәеиҭеит ацхыраара еиуеиԥшым ахырхарҭақәа шамоу.

"Еиуеиԥшым аусхкқәа рҟны аусеицурақәа мҩаԥысуеит, иагьрыцҵахоит", - ҳәа азгәеиҭеит иара.

Иара убри аан иазгәеиҭеит Венесуела аҩнуҵҟатә усқәа адәахьала анырра рмоуроуп ҳәа.

Урыстәыла ахада Владимир Путин Венесуела ахада Николас Мадуро диԥылеит цәыббра 25 рзы, Кремль.

Мадуро дицны арахь дааит Венесуела анефҭ аминистр, аилахәыра PDVSA ахада Мануель Кеведо.

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент ахада Хуан Гуаидо ажьырныҳәа 23 рзы атәыла ахадас ихы рылеиҳәеит.

Усҟан Гуаидо истатус адгылара арҭеит Еиду америкатәи аштатқәеи егьырҭ атәылақәа жәпаки.

Урыстәыла Мадуро адгылара инаҭоит аконституциатә шьаҭа зманы иҟоу атәыла ахадак иаҳасаб ала.

Европатәи атәылақәа зеижә: Испаниа, Португалиа, Германиа, Великобританиа, Даниа, Нидерланды, Франциа, Венгриа, Австриа, Финлиандиа, Бельгиа, Лиуксембург, Чехиа, Латвиа, Литва, Естониа, Польша, Швециа, Хорватиа, Македониа, Румыниа - жәабран 4 рзы рнапы еицаҵарҩит адекларациа, уа иазгәарҭеит Хуан Гуаидо аамҭалатәи Венесуела ахада ҳәа дшазхарҵо.

Урыстәылеиԥш, Китаии Ҭырқәтәылеи Мадуро атәыла азиншьаҭа змоу хадоуп ҳәа дыршьоит.

Иара убас шәаԥхьар ҟалоит:

Ихадоу атемақәа