20:05 12 Абҵара 2019
Ишиашоу ицо аефир
  • USD63.85
  • EUR70.42

Афестиваль "Абаза" аиҿкааҩцәа амҩаԥысшьа атәы еиҭарҳәеит

© Foto / Всемирно абхазо-абазинский конгресс
Адунеиаҿы
Икьаҿу ахьарԥш аиура
32 0 0

Раԥхьатәи акультура-спорттә фестиваль "Абаза" иазку аресс-конференциа мҩаԥысит Аҟәа, жьҭаара 11 рзы.

АҞӘА, жьҭаара 11– Sputnik, Асмаҭ Ҵәыџьԥҳа. Акультура-спорттә фестиваль "Абаза" раԥхьаӡа акәны Аԥсны имҩаԥгахоит жьҭаара 16 -18 рзы, хықәкысгьы иамоуп аԥсуеи абазеи жәларқәа реиларҵәара ҳәа лҳәеит Адунеизегьтәи аԥсуа-абаза конгресс Аҳәса рхеилакқәа рнапхгаҩы Гета Арӡынԥҳа апресс-конференциаҿы.

"Акультуратә-спорттә усмҩаԥгатә хықәкы хадас иамоуп – агәаҳәара змоу зегьы аҭоурых дырдырра, амилаҭтә традициақәеи, иахьатәи акультуратә, арҿиаратә ԥсҭазаашьеи зеиԥшроу дырбара, абазааи аԥсуаа аҿарацәа рабиԥара рмилаҭтә хдырра ӷәӷәаӡа ашьақәгылараҿы ацхыраара рыҭара. Ҳфестиваль аҭоурых ахархәарала аҿиара аҳҭарц ҳаӡбеит, убри азоуп ара аҭоурыхтә материалқәа зырацәоу", - лҳәеит лара.

Акультура-спорттә фестиваль "Абаза" аатуеит Гәдоуҭа, жьҭаара 16 рзы Адунеизегьтәи аԥсуа-абаза конгресс Иреиҳаӡоу ахеилак ахантәаҩы Мусса Егзакь ихраҿа агаразы Зхы иақәиҭу аиқәԥаразы атурнир ала. Атурнир ҩымш имҩаԥыслоит. Афестиваль иаҭаараны иҟоуп 250-ҩык рҟынӡа аспортсменцәа Адыгатәылантә, Ҟарачы-Черқьесиантә, Ҟабарда-Балкариантә, Нхыҵ Уаԥстәылантә, Ингәыштәылантә, Чечентәылантә, Даӷьсҭанынтә, иара убас ақалақьқәа Калинингради Шәачеи рҟынтә.

Зых иақәиҭу ақәԥаразы аклуб "Абаза" адиректор Леонид Боџьгәуа иажәақәа рыла алахәылацәа реиҳараҩык жәларбжьаратәи аицлабрақәа рлахәылацәеи рԥызаҩцәеи роуп. Атурнир аҿы аӡбаҩцәа Урыстәылатәиқәа ракәхоит.

Жьҭаара 18 рзы афестиваль Аҟәаҟа ииасуеит, иагьацҵахоит Аԥсуа драматә театр аҿаԥхьа Амҳаџьырцәа рыԥшаҳәаҿы акультуратә программала. Аҟәа аныҳәа хацыркхоит асааҭ 13:00 рзы, аахәлаанӡагьы имҩаԥыслоит.

"Ахәаԥшыҩцәа ирыдгалахоит аҭаца лаагара аазырԥшуа ақәыргыламҭа. Ақәыргыламҭа ахҳәаа азуа еиҭаҳәахоит аҵас ҵаҵӷәыс иамоу аарԥшра", - лҳәоит Арӡынԥҳа.

Асааҭ 13:00 рзы Аԥсуа драматә театр аҿаԥхьа иаатуеит Ельбурган ақыҭаҿтәи аетнографиатә музеи Аԥснытәи аҳәынҭқарратә музеи рекспозициа.

Асааҭ 14:40 рзы имҩаԥгахоит аԥсуеи абазеи коллективқәа рконцерт. Ауснагӡатә ахы аладырхәуеит Ҟарачы-Черқьессиа аҳәынҭқарратә филармониа акәашара атеатр, аԥснытәи ашәаҳәаҩцәа Лиудмила Гумба, Заур Зыхәба, аколлектив "Адау", аетнографиатә ансамбль "Ахьышьҭра".

Афестиваль асасцәа ирыдгалахоит аԥсуеи абазеи жәларқәа рчысхә.

АААК инаваргыланы афестиваль аиҿкааҩыс иҟоуп Аԥсуа-абаза милаҭ рыҿиара ацхырааразы жәларбжьаратәи аилазаара "Алашара". Афестиваль "Абаза" мҩаԥысуеит Аԥсны акультуреи аҭоурыхтә-культуратәҭынха ахьчареи рминистрреи, Абаҩрҵәыреи аспорти рзы Аԥсны аҳәынҭқарратә еилаки рыцхыраарала.

Иара убас шәаԥхьар ҟалоит:

Ихадоу атемақәа