АҞӘА, лаҵара 12 - Sputnik. Урыстәыла ахада ипресс-маӡаныҟәгаҩ Дмитри Песков акоронавирус шьҭикааит ҳәа аанацҳауеит РИА Новости.
"Сычмазаҩхеит. Аҽыхәышәтәра саҿуп", - иҳәеит Песков. Иара иажәақәа рыла, уажәы ахәышәтәырҭа дҭоуп.
Урыстәыла аԥыза-министр Михаил Мишустин мшаԥы 30 рзы атәыла ахада иирдырит акоронавирус шимаз.
Иахьатәи аамҭазы Урыстәыла 232 243 коронавирәус хҭыс ыҟоуп 85 регион рҿы.
Апандемиа аамҭа иалагӡаны 2116-ҩык рыԥсҭазаара иалҵхьеит, ргәы бзиахеит 43 512-ҩык.
Акоронавирус иазку ажәабжьқәа зегьы шәрыԥхьар ҟалоит абра>>
