АҞӘА, ԥхынгәы 14 - Sputnik. Урыстәыла арратә мчқәа Урыстәыла аҳәынҭқарратә ҳәаа зҽазааигәазтәуаз НАТО аҳаирплан-ԥшыхәыҩцәа Амшын Еиқәеи Баренцов имшыни рҵакыраҿы ирбеит ҳәа аанацҳауеит РИА Новости.
Аҳауаҿ аҳаирпланқәа рынкыларази рышьақәыргыларази ишьҭыԥрааит Аҩадатәи афлоти Аладатәи арратә округи рҳаирпланқәа.
Урыстәылатәи аҳаирпланқәа акыр набжьаны аҳаирплан-ԥшыхәцәа ирышьҭашәарыцон, урҭ аҳәаа рҽанаҟәырыҭха ирыцрыҵит.
Урыстәыла аҳәынҭқарратә ҳәаа атәым ҳаирпланқәа еиларымгеит, урҭ рынкылараз ишьҭыԥрааз аҳаирпланқәагьы аҳаиртә ҵакыра ахархәараан изықәныҟәо жәларбжьаратәи аԥҟарақәа ирықәныҟәон.
Ԥхынгәы 1 азы Амшын еиқәа афлот иатәу аҳаирплан Су-27 шьҭыԥрааит Америка аҳаирплан-ԥшыхәыҩ аанкыларазы.
Рашәара 26 рзгьы ажәҩанҵакыраҿ игәаҭан америкатәи арратә ҳаирпланқәа, урҭ аҳәааа ҟынӡа инаскьанагеит Амшын Еиқәа амшынтә авиациа аҳаирплан Су-30 .
