01:13 27 Цәыббра 2020
Ишиашоу ицо аефир
  • USD76.82
  • EUR89.66
Адунеи аҿы
Икьаҿу ахьарԥш аиура
16 0 0

Аусӡбара цонаҵы исхароуп ҳәа зҿы зықәшаҳаҭхаз ацәгьоуҩы ахақәиҭра иалхәдаатәра анахысгьы миллионк мааҭ ахараԥса иршәан.

АҞӘА, нанҳәа 20 - Sputnik. Аԥсны инхо ауаҩԥсы иҟаиҵаз ауаҩшьразы жәеиза шықәса иқәҵаны иус ӡбоуп Адлертәи араионтә ӡбарҭаҿы, ихьырхәра ихигалоит злеишәа џьбароу ариашаратә колониаҿы ҳәа адырра ҟаҵоуп аӡбарҭа асаит аҟны.

Урыстәыла Аусҭҵааратә еилакы Краснодартәи атәылаҿацә аҿтәи аусҭҵааратә усбарҭа аинформациа инақәыршәаны, 2020 шықәса жәабран 16 ауха ижәны иҟаз ахаҵа Адлер, Улианов имҩала игылоу уахгьы-ҽынгьы аус зуа адәқьан даҭааит, иидыруаз аԥҳәыс лахь. Уаҟа иара диԥылеит уаанӡа изымдыруаз хаҵак, нас арҭ аҩыџьа аимак роуит.

Адлертәи аӡбарҭа аацҳамҭаҿы иазгәаҭоуп зус рыӡбо ауаҩы алаҵага-ԥҟагатә маҭәарла 13 иреиҵымкәа ааха ииҭеит ҳәа дзеисыз ахаҵа, игәышԥы, ихы, ихы-иҿы, ибӷа иақәыршәаны. Анаҩс напылеи шьапылеи дипҟеит, ихи, ихәамци, инапқәеи ишьаԥқәеи даарысуа. Аахақәа зауз ахаҵа ахәышәтәырҭаҿы иԥсҭазаара далҵит.

Ацәгьоуҩы ацәгьоура аҭыԥ аҟынтә дыбналарц иақәикит, аха даанкылан Аԥсныҟа ацара дшаҿыз. Иус аӡбараан ахара шихароу азы иҿы иқәшаҳаҭхеит, иҟаиҵаз дахьхәит.

Азыӡба азакәантә мчы аимуцт.

Ихадоу атемақәа