АҞӘА, абҵара 2 - Sputnik. Амааҭ акурс еиҳа-еиҳа апозициа леиуеит: Москватәи абиржа адыррақәа рыла евро амааҭ аганахь ала акурс 2014 шықәса ԥхынҷкәынмзатәи акурс иаԥнагеит 93,7 мааҭ аԥсахарала, адоллар – 80,5 мааҭ аԥсахарала ҳәа аанацҳауиет РИА Новости.
Ашәахьа, асааҭ 10:24 рзы евро "уаҵәтәи" акурс 1,17 мааҭ иацлеит - 93,79 мааҭ ҟалеит, адоллар - 1,04 мааҭ иацлеит – 80,57 мааҭ ҟалеит.
Brent амарка иатәу анефҭ ажьырныҳәатәи афиучерс ахәԥса лаҟәит 3,58% - 36,58 доллар рҟынӡа баррельк азы.
Иара убасгьы икаҳаит урыстәылатәи акциақәа ркурс: Мосбиржа асааҭ 10:09 азтәи амааҭтә курс 0,71% еиҵахеит, адоллартә 1,61%.
Урыстәылатәи аекспертцәа амааҭ акурс акаҳара акоронавирустә ҭагылазаашьа аицәахара иадырҳәалоит.
