АҞӘА, ажьырныҳәа 11 - Sputnik. Абиткоин ахәԥса акоррекциа аҭаххеит иара акаҳара иахырҟьаны ҳәа РИА Новости иазеиҭеиҳәеит ихьыԥшым аексперт Мансур Гусеинов.
Аҵыхәтәантәи амзақәа рзы еиҳа ахархәара зҭоу акриптовалиута – абиткоин ахә ҩынтәны ихалеит.
"Иахьа биткоин ахәԥса лаҟәит 32 500 доллар рҟынӡа. Ахәашатә рбага иаҿырԥшны 22% илеиит. Мызкы аҩныҵҟа ҩынтә асеиԥш аизҳара шәарҭарак ала маха уаанӡатәи ахҭысқәа ирызхьаԥшлатәуп", - иҳәеит иара.
Гусеинов иара убасгьы иазгәеиҭеит авалиута аизҳара иаҿуижьҭеи 300 мшы шыҵуа. 2020 шықәса хәажәкырамза аахыс 20% еиҳаны акоррекциа шыҟаҵамыз.
"Ицҵоу факторны иҟоуп адоллар ахә 90 аҿы ашьақәгылара, америкатәи акциатә џьырмыкьақәа рҿы аҭоурыхтә ҳаракырақәа, адунеитә економика аиҭашьақәгылара шьшьылаҳарала амҩаԥысра", - иҳәеит иара.
Аексперт иажәақәа рыла, акриптовалиута ахәԥса ашьақәыртәара алшоит акоронавирус аҿагылараҿ аԥыжәарақәа рыҟазаара.
Иахьазы авалиута ахә 32 538 доллар иҟоуп.
Гусеинов иҳәеит абиткоин амза абасеиԥш ианаркыр, ахәԥса аизҳара иалагар алшоит.
