13:31 28 Жәабран 2021
Ишиашоу ицо аефир
  • USD74.44
  • EUR90.37
Адунеи аҿы
Икьаҿу ахьарԥш аиура
Аҿкычымазара – акоронавирус Аԥсни адунеи аҿи: иалкаау (1078)
1610

Акоронавирустә инфекциаҟынтә алаҵа "Спутник V" аҟаҵароуп макьана иалшо. Хара имгакәа аҩбатәи алаҵа "ЭпиВакКорона" аҟаҵарагьы ҟалоит.

АҞӘА, жәабран 1 - Sputnik. Аҳәынҭмаҵзурақәа рпортал аҿы алаҵаҟаҵараз аҽҭаҩра аформа аԥшьгоуп. Ари аопциа Урыстәыла арегионқәа зегьы руааԥсыра рхы иадырхәар ҟалоит ҳәа иҳәеит аԥыза-министр ихаҭыԥуаҩ Дмитри Чернышенко, ҳәа аанацҳауеит РИА Новости.

"Ажьырныҳәа 18 инаркны амаҵзура атест-режим ала аус ауан, аха убри аан афункциақәа ишахәҭаз инанагӡон",- иҳәеит аԥыза-министр Михаил Мишустини ихаҭыԥуааи реилацәажәараҿы.

Чернышенко иажәақәа рыла ахархәаҩцәа рырманшәаларазы апортал адҟьа хадаҿы аҽа баннеркгьы цәырҵит, уи ахархәарала иаразнакы ирҭаху аҟәшахьы ииасыр ҟалоит.

"Ахархәаҩ изы адыррақәа аформа иҭагалахоит, аамҭеи амедицинатә еиҿкаареи алукаауеит апроцедура еиҳа амҩаԥгара азыманшәалахаразы", - иҳәеит иара.

Иалкаау амедицинатә усбарҭаҿы аҭаҩразы иҭацәу аслотқәа ыҟамзар, аԥшратә бӷьыц аҿы азыҳәа нужьыр ауеит.

Уажәазы акоронавирустә инфекциаҟынтә Гамалеиа ихьӡ зху Ацентр аҿы иҭрыжьыз алаҵа "Спутник V" аҟаҵароуп макьана иалшо. Ари адунеи аҿы раԥхьаӡатәи ашәҟәы иҭагалоу лаҵоуп акоронавирус аҟынтәи. Хара имгакәа аҩбатәи алаҵа "ЭпиВакКорона" аҟаҵарагьы ҟалоит.

Атемақәа:
Аҿкычымазара – акоронавирус Аԥсни адунеи аҿи: иалкаау (1078)

Ихадоу атемақәа