10:12 02 Хәажәкыра 2021
Ишиашоу ицо аефир
  • USD74.04
  • EUR89.45
Адунеи аҿы
Икьаҿу ахьарԥш аиура
10 0 0

НАТО аҿы ирҳәоит алианс Амшын еиқәаҿы аҟазаара зарҭбаауа Урыстәыла Ҟрым иазнауз аннексиазы аҭак ауп ҳәа.

АҞӘА, жәабран 19 - Sputnik. Амшын еиқәаҿы, Урыстәыла аҳәаақәа рааигәара америкатәи афлот аҟазаара адунеи аҿы аҭынчреи аҭышәынтәалареи ҵнашәаауеит ҳәа лҳәеит Урыстәыла ААР аофициалтә хаҭарнак Мариа Захарова абрифинг аҿы. Абри атәы аанацҳауеит РИА Новости.

"Угәы иаанагап америкатәи афбатәи афлот Амшын еиқәаҿы аӷа иԥшаара иашьҭоуп ҳәа, аха уи башоуп",- лҳәеит адипломат.

Захарова илҳәеит аҽазыҟаҵарақәа Урыстәыла аҿагылара ахырхарҭоуп ирымоу ҳәа.

Ииасыз амчыбжь НАТО амаӡаныҟәгаҩ хада Иенс Столтенберг аҳәамҭа ҟаиҵеит алианс Амшын еиқәаҿы аҟазаара зарҭбаауа Урыстәыла Ҟрым иазнауз аннексиазы аҭак ауп ҳәа. Иара иазгәеиҭеит аҵыхәтәантәи аамҭазы арегион аҿы арратә ӷбақәа хԥа шыҟаз, урҭ украинатәи афлот аҽазыҟаҵарақәа шацымҩаԥыргоз.

Уи аԥхьа америкатәи афбатәи афлот Ҭырқәтәыла иацны аҽазыҟаҵарақәа мҩаԥнагон аесминци аԥшыхәратә ӷбақәа ҩбеи аманы. Вашингтон иҟоу Урыстәыла Ацҳаражәҳәарҭа уи азхьаԥшра анаҭеит, ааԥхьарагь ҟанаҵеит хыда абџьар арҟымҟымра ишаԥсам.

Иара убас шәаԥхьар ҟалоит:

 

Ихадоу атемақәа