АҞӘА, мшаԥы 13 - Sputnik. Аладатәи арратә округ арра-ҳаиртә мчрақәеи аҳауаҽацәыхьчаратә мчрақәеи роператив-тактикатә авиациа аекипажқәа аоперативтә ҳаиртә баӷәазақәа рахь рҽеидыркылеит, Амшын еиқәа афлот амшынтә авиациеи дареи аицҽазыҟаҵарақәа рымҩаԥгаразы, абри атәы аанацҳауеит аокруг апресс-маҵзура.
Аҳаирпланшәарыцарақәеи (истребитель-аред.) абомбакажьгақәеи Су-27СМ, Су-30СМ, Су-24М, Су-34 аҽазыҟаҵарақәа раан ацәҟьарақәа ирықәкны аракетақәеи абомбақәеи дыршәлоит.
Аекипажқәа аҳауа аныбааԥсуи аӡы иныхтәало аҟара илаҟәни аԥыррақәа рықәшәар алшоит.
Аокруг ар разыҟаҵара агәаҭара мҩаԥысуеит ишьақәырӷәӷәоу аплан ала. Иара иалахәуп аокруг арра ҟәшақәа зегьи Амшын еиқәеи Каспитәи амшыни рыфлотқәа.
Агәаҭарақәа азырхоуп ар роперативтә зыҟаҵара аизырҳара, аҽазыҟаҵарақәа рымҩаԥгараан аформа ҿыцқәа рыԥшаара.
Иара убас шәаԥхьар ҟалоит:
- Урыстәыла ЕАА ахь ааԥхьара ҟанаҵеит Амшынеиқәаҿ аҟазааразы аҿарԥақәа амԥшааларц
