08:46 27 Ԥхынгәы 2021
Ишиашоу ицо аефир
  • USD74.10
  • EUR87.32
Адунеи аҿы
Икьаҿу ахьарԥш аиура
7 0 0

Адунеи аҟны еицырдыруа сербиатәи арежиссиор Емир Кустурица МИА "Россия сегодня" 80-шықәса ахыҵра рыдиныҳәалеит.

АҞӘА, рашәара 24 - Sputnik. МИА "Россия сегодня" аусура иабзоураны Мраҭашәаратәи аудиториа иҟоу шыҟоу аарԥшны иднарбоит ҳәа иҳәоит сербиатәи арежиссиор Емир Кустурица Совинформбиуро – уажәтәи жәларбжьаратә амедиагәыԥ ҵаҵӷәны иазыҟоу 80 шықәса ахыҵра адныҳәало. Абри атәы аанацҳауеит РИА Новости.

"Иахьатәи АИХқәеи ателеканалқәеи аиҳарак аҭагылазаашьа дара ишырбо ауп ишахцәажәо, МИА "Россия сегодня", RT ракәзар, ишызбо ала иҟоу адунеи саркьара азыруеит. Дара роуп Мраҭашәара шыҟаҵәҟьоу абара ҳалзыршо", - ҳәа иҳәеит иара.

Кустурица МИА "Россия сегодня", RT апланетартә мчра змоу, аудиториа уаанӡа ирымбац дзырбо хархәагоуп ҳәа рзиҳәоит.

"Голливуд иаҳнарбоит ЕАА асахьа ырԥшӡаны, зегь ахьӡы рхьыршаны. Ара иаабоит иҩныдоу, амла, ахьҭа иакуа ауаа, анаркоманцәа, акоммерциа зхаԥаны иҟоу асистема. Агәахәара ду снаҭоит шәара шәеиԥш иҟоу АИХқәа ахьыҟоу", - ҳәа иҳәоит Кустурица.

Аԥхьаҩ, ахәаԥшҩы, азыӡырҩы изы ауаа ирынхашьоу-ирынҵышьоу аилкаароуп ихадоу ҳәа азиԥхьаӡоит арежиссиор.

"Иҟахаҭоу апроекциеи аныԥшреи рыбжьара ари аҩыза АИХқәа рҽахьырҟьаша рацәоуп, аиҳаракгьы англыз бызшәала. Убри ауп Мраҭашәара ианаркуа ахышә аазыртуа RT зысгәалашәаз", - ҳәа иҳәоит Кустурица.

80 шықәса раԥхьа, рашәара 24 1941 азы иаԥҵан Совинформбиуро, МИА "Россия сегодня" иахыҵхырҭоу.

МИА "Россия сегодня" – жәларбжьаратәи аудиториазы иналукааша урыстәылатәи информацианагаҩуп. Урыстәыла ихадоу брендны иҟоуп РИА Новости, аҳәаанырцә иара иахаҭарнакуп аинформациатә маҵзуреи арадиои Sputnik.

Ихадоу атемақәа