Урыстәыла ахада акоронавирус аҟынтә алаҵа ҟаиҵеит ааԥынразы. Алаҵа ашьҭахь иара еиҭеиҳәон аиммуннтә ҭак шиоуз, аха убри аан иарбан лаҵоу иҟаиҵаз атәы имҳәеит.
АҞӘА, рашәара 30 - Sputnik. Урыстәыла ахада Владимир Путин иҳәеит акоронавирус аҟынтә алаҵа "Спутник V" шыҟаиҵаз ишиашоу ицо аефир аҿы.
"Аӡбра сыдыскылеит "Спутником V" ҟасҵарц азы. Ҳарбџьар мчқәа зегьы ирзыҟаҵоу алаҵа "Спутник V" акәзар, саргьы акомандаҟаҵаҩ хада иҳасаб ала уи ҟасҵар акәын", - иҳәеит иара.
Путин еиҭеиҳәеит аԥхьатәи алаҵа ашьҭахь ԥшь-сааҭк рнаҩс алаҵаҭыԥ шихьуаз, ауха асааҭ 12 рзы 37,2 рҟынӡа ишоура шхалаз, аха ашьыжь –36,6 рҟны ишнеиз.
Есышықәса НАТО имҩаԥнаго арратә ҽазыҟаҵарақәа Agile Spirit 2021 Қырҭтәыла иалагеит сынтәа ԥхынгәы 26 азы. Аҽазыҟаҵарақәа ирылахәуп 2,5 нызқьҩык рҟынӡа аррамаҵзурауаа алианс иалахәу 15 тәыла рҟынтәи.
Аԥсны ауаажәларратә транспорт апассаџьырцәеи арныҟәцаҩцәеи асабрадақәа ныҟәаргалароуп аԥкратә уснагӡатәқәа инарықәыршәаны. Уи еилазгаз 600 мааҭ ахараԥса иқәырҵоит.
Гал араионахь аҟьамсар агара иалагаанӡа, 2018 шықәса рзы Алашарбагатәи агәамсамкажьырҭа анадыркы ашьҭахь атаксопарк аҵакыраҿы аамҭала еиҿкаан агәамсам аидкыларҭа.
