АҞӘА, абҵ 3 – Спутник Аԥсны. Иааиуа Жәлар ракзаара амш инадҳәаланы Ҟабарда-Балкариа Ахада Иури Коков ижәлар рахь адныҳәаларатә ааԥхьара ҟеиҵеит – абри атәы аанацҳауеит РИА «Ҟабарда-Балкариа».
«Абҵара ԥшьба рзы ҳтәыла ауаажәларратә ныҳәа азгәарҭоит – Жәлар ракзаара амш. Ари аныҳәа, Урыстәыла аҭоурых аҿы зегь реиҳа зҵазкуа ахҭысқәа иреиуоуп. Аныҳәа еиҭахгьы ҳхьанарԥшуеит ҳҭоурыхтә хыҵхырҭақәа рахь, иагьҳгәаланаршәоит ахьыԥшымреи ахақәиҭреи аҵак ду шрымоу» — иҳәоит Иури Коков иааԥхьараҿы.
