АҞӘА, абҵ 6 – Спутник Аԥсны. Урыстәыла Ахада Владимир Путин ҩышықәса еиқәырццакны адунеи аҿы зегь реиҳа анырра змоу ауаҩы ҳәа ихьӡ ҳәоуп. Уи ахьӡ иоуразы драԥысит Америкеи КНРи рхадацәа Барак Обамеи Си Цзипини.
Ажурнал Forbes 72 ҩык ауаа рыла ишьақәгылоуп. Урҭ рхыԥхьаӡараҿы иҟоуп аполитикцәа, абизнесменцәа, ауаажәларратәии акультуратәии усзуаҩцәа.
Ареитинг иалоу ауаа рсиа шьақәыргылахоит ажурнал аредакциа адунеитә хҭысқәа рзы рсубиективтә гәаанагара инақәыршәаны.
Владимир Путин ида Урыстәылантәи ареитинг иалоуп "Роснефт" Ахада Игор Сечини, "Газпром" ахантәаҩы Алексеи Миллери, абизнесмен Алишер Усманови.
