АҞӘА, абҵ 7 – Спутник Аԥсны. VIII иаарту акинофестиваль "Кунаки" аконкурстә програмаа иалахәу аусумҭақәа рыхәаԥшра ахыркәшарахь инеит.
Афестиваль ахәбатәи амш азы ажиури ахәаԥшит абарҭ афильмқәа: "С. П. А. Р. Т. А: аразҟы ашҭа", арежиссер — Анна Моисеенко, "Гәыӷрак. Ҩ-ԥеиԥшк", — Екатерина Ушкова, "Брусиловски. Ахәыцра амҩала", "Беслан. Агәалашәара", – Вадим Цаликов, "Абалахь иаамҭоуп", — Анна Булычева, "Лагич" – Тофик Шахвердиев.
Аконкурстә фильм "Лагич" арежиссер Тофик Шахвердиев еиҭеиҳәаеит иусумҭа аҵакы. Уи азкуп Азарбаџьан иҟоу ақыҭа, уахь акыр аамҭа ацивилизациа мнеиӡеит, избанзар уахь уназго амҩа ыҟамызт азы. Ақыҭауаа рынхара-рынҵыра иахьа уажәраанӡа еиқәханы иҟоуп анкьа ауаа шынхоз инақәыршәаны. Ацивилизациа алшарақәа уахь имнеицкәа еиқәханы иҟоуп. Аха аҵыхәтәантәи аамҭазы уахь аԥсшьацәа рацәаны инеиуа иалагеит, убри иахҟьаны аҭыԥан инхо ауаа еиқәырханы ирымаз анхашьа аԥырхага аиуа иалагеит. Абарҭ азҵаарақәа автор гәыҵхас имоуп.
"Иахьатәи ауаҩы изы уамашәа иҟоуп ари ақыҭа анхашьа иахьа уажәраанӡа ишеиқәхаз" – азгәеиҭеит Шахвердиев.
Аконкурстә программа сынтәа 32 усумҭа рыла ишьақәгылоуп.
