АҞӘА, абҵ 13 – Sputnik. Азарбаџьан аӡбарала Ашьха-Ҟарабах аҳаирпланқәа рхыԥраара аанкылоуп.
Уи аԥхьаҟа, Азарбаџьан рырмчқәа Иармантәыла иатәу авертолет Ми-24 карыжьит. Уи зыхҟьаз, Азербаиџьан ахаҭарнакцәа изларҳәо ала, Иармантәыла иатәу авертолет рырмчқәа ирыжәлараз аҽазышәара ахьаанарԥшыз ауп.
Ашьха-Ҟарабах армчқәа рыпресс-маӡаныҟәгаҩ Сенор Асратиан иҳәеит, икажьыз авертолет Ашьха-Ҟарабах рырмчқәа ишатәу, уи арра-ҽазыҟаҵаратә усмҩаԥгатәқәа ишрылахәыз.
Иармантәыла Адәныҟатәи аусқәа рминистрра, авертолет аҭархаразы ахара рыднаҵеит Азербаиџьан армчқәа.
