АҞӘА, абҵ 13 – Sputnik. Ахьчареи ашәарҭадареи апарламенттә комитет ахантәаҩы Фазлыбеи Аҩӡба ажәалагала ҟаиҵеит Донецки Лугански Жәлар Республикақәа рхәыҷқәа Аԥсны рыԥсшьара еиҿкаазарц.
Аҩӡба далахәын Аԥснытәи анаԥшыҩцәа рделегациа абҵара ҩба рзы ДЖӘР, ЛЖӘР рхадацәа ралхрақәа рҿы.
"Уаҟа иҟоу аҭагылазаашьа даара иуадаҩуп… Ажәлар ацхыраара рҭахуп, аиҳарак ахәыҷқәа, урҭ иахьа иааҟәымҵкәа ирылахысуеит. Ахәыҷқәа аамҭала акәзаргьы аԥсшьара рҭахуп", — иҳәеит Фазлыбеи Аҩӡба.
Уи иазгәеиҭеит Донецки Лугански рзы ацхыраара аиҿкаара шыуадаҩым. Убас, аӡи ацитрустә шәырқәеи уахь ашьҭра шазгәаҭоу иҳәеит уи.
