Аԥсны Ахада Ашәарҭадаратә хеилак аилатәара ҷыда мҩаԥигеит

© Фото : ТомасТхайцукАԥсны Ахада Рауль Ҳаџьымба. Архивтә фото.
Аԥсны Ахада Рауль Ҳаџьымба. Архивтә фото. - Sputnik Аҧсны
Анапаҵаҩра
Аԥсны Ахада ахылаԥшра ҷыда азиуеит Беслан Быҭәба иганахь ала ацәгьоура ҟазҵаз рахьырхәра аус.

АҞӘА, абҵ 17 — Sputnik. Рауль Ҳаџьымба Ашәарҭадаратә хеилак аилатәара ҷыда мҩаԥигеит. Уаҟа зҵаара хадас иқәгылан аԥыза-министр Беслан Быҭәба иганахьала аҭыԥ змаз ацәгьоуреи, иааидкыланы Аԥсны ашәарҭадаратә ҭагылазаашьа уадаҩи рыӡбара.

Беслан Быҭәба иганахь ала ацәгьоура ҟаҵан асабша ауха, иҭаацәеи иареи ахәшәтәырҭахь амҩа ианықәыз аамҭазы. Ацәгьауцәа аԥыза-министр имашьына ааныркылеит. Анаҩс, ацәгьоуцәа рмашьына иҭыҵыз ҩыџьа Быҭәба ааха ирҭеит, уи ашьҭахь ибналеит.

"Ари ахҭыс иаҳнарбоит ҳауаажәлар рыҩнуҵҟа азакәан иқәныҟәар зҭахым ауаа шыҟоу. Аиҳабыра акыр шықәса инеиԥынкыланы ашәарҭадаратә зҵаара аӡбара рҭахымызт, аха ҳара ацәгьоурақәа рҵыхәа ԥаҳҵәар ауп", — иҳәеит Ҳаџьымба.

Ацәгьара ҟарҵеит ҳәа агәҩара рыдҵоуп ҩыџьа, Ахра Еныкьи, Инал Аҩӡбеи. Урҭ аанкылоуп, рҿахәы рҿыхра асу мҩаԥысуеит.
Аҩнуҵҟатәи аусқәа рминистр Рауль Лолуа излеиҳәаз ала, ашьауӷатә ус аартуп аԥыза-министр иганахь ала иҟаҵаз ацәгьоура аартреи, изхароу рахьырхәреи рзы.

Аԥсны ашәарҭадаратә хеилак амчтә усбарҭақәа адҵақәа рынаҭеит ареспубликаҿы ашәарҭадаратә ҭагылазаашьа арҽеиразы.

Ажәабжьқәа зегьы
0