ГАГРА, абҵ 22 – Sputnik, Саида Ажьиба. Ихьшәоу аџьазтә епоха иаҵанакуа ауаҩ ибаҩқәа ԥшаауп Гагра аӡымҩангага ҿыц ашьҭаҵараан.
"Араҟа анышәынҭра ду ыҟазар ауеит, избанзар ари аамҭа иаҵанакуа анышәынҭрақәа рҿы аӡә ихала дахьжу акыр имаҷуп", — иҳәеит археолог Давид Канделаки.
Археолог иажәақәа рыла, анышәынҭра ихьшәоу аџьаз епоха VI ашәышықшса ашҟа иаҵанакуеит. Уи Ҵабалтәи акультура ашҟа иаҵанакуеит. Иԥшаау абаҩқәа аԥҳәыс илтәуп. Абаҩқәа ирыван аҳәса иныҟәырго аџьазтә маҭәашьарқәа.
Аӡымҩангага ашьҭаҵара аамҭала иаанкылоуп, археологиатә усмҩаԥгатәқәа рымҩаԥгара иацҵоуп.
