АҞӘА, абҵ 25 — Sputnik. Урыстәыла Аԥсны ацхыраара анаҭоит ҩызаратә ҳәынҭқаррак аҳасаб ала политикатә ҵаҵӷәыда, иҳәеит Урыстәыла аԥыза-министр ихаҭыԥуаҩ Александр Хлопонин.
Аҩаша Шәача имҩаԥысит асоциалтә-економикатә еизыҟазаашьақәа рзы Аԥсни Урыстәылеи рҳәынҭқарратә комиссиа аилатәара. Уаҟа Урыстәыла Аԥсны иазыҟанаҵо афинанстә цхыраара азҵаара шьҭыхын, иара убас, Аԥсны асоциалтә-економикатә ҭагылазаашьа аиӷьтәра иазкыу апрограмма иалацәажәан.
Хлопонин иажәақәа рыла, Урыстәылеи Аԥсни ҭоурыхла еизааигәоу ҳәынҭқаррақәоуп. Аԥсны аҭагылазаашьа аныцәгьаз аамҭазы Урыстәыла ацхыраара ҟанаҵеит, иҳәеит уи.
"Аԥсны ихьыԥшым ҳәынҭқарроуп, уи аӡәгьы аиҭахәаԥшра азин имам", — ациҵеит Хлопонин.
Иара убас, уи иҳәеит Урыстәылеи Аԥсни рҳәаа ахысра армариара шаҭаху.
