АҞӘА, ԥхҷ 8 – Sputnik. Аԥсны Жәлар Реизарахь алхрақәа Ҭҟәарчал ақалақь аҿы имҩаԥысит амҽыша. Ацентртә алхратә комиссиа излаанацҳауа ала, абыжьқәа абас еихшахеит: Таифун Арӡынба – 769 бжьы, Беслан Емырхәба – 564 бжьы, Гьаргь Харчлаа – 25 бжьы, Марат Кәыҵниа — 136 бжьы.
Акандидатцәа аӡәгьы актәи атур ала аиааира агаразы иаҭахыз абжьы имоуит. Аҩбатәи атур мҩаԥгахоит ԥхынҷкәын 21 азы. Алхрақәа аҩбатәи атур иалахәхоит Таифун Арӡынбеи Беслан Емырхәбеи.
Аԥсны Жәлар Реизарахь алхрақәа мҩаԥысуеит адепутат Рауль Ҳаџьымба Аҳәынҭқарра Ахадас иалхра инамаданы.
