Бараҭеилиа: Европа аамҭа хьанҭа иҭагылоуп

© Фото : Томас ТхайцукБеслан Бараҭелиа.
Беслан Бараҭелиа. - Sputnik Аҧсны
Анапаҵаҩра
Аексперт Беслан Бараҭелиа игәаанагарала, Европа ауааԥсыра Евро-еидгыла Украина аекономикахь иҟанаҵо ацхыраара аанкылара ахьырҭаху аҵаҵӷәы амоуп.

АҞӘА, ԥхҷ 26 – Sputnik, Анастасиа Никонова. Европа зшәара уадаҩхо ауал иҵалоит ҳәа иԥхьаӡоит аекономикатә наукақәа ркандидат Беслан Бараҭелиа.

Европа иқәынхо ауаажәлар реиҳарак шахәаԥшуа ала, Украина аекономика ашьҭыхразы иҟарҵо афинанстә цхыраара аанкылара аҭахуп. Аиҳарак ас еиԥш иҟоу агәаанагара ӷәӷәоуп Британиа Дуи Францеи, уи атәы рҳәоит Sputnik аҳәарала  ICM Research иҟанаҵаз аҭҵаара алҵшәақәа.

"Европа ауааԥсыра рӷарра еиҳа-еиҳа иазҳауеит, аусурҭа ҭыԥқәа рхыԥхьаӡара акыр иагхеит. Ауадаҩрақәа рыпҽхак еиҳа иҭбаауп аладатәи Европа атәылақәа рҿы, Испаниа, Португалиа", — иҳәеит Бараҭелиа.

Аексперт игәаанагарала, асоциалтә ԥсҭазаараҿы иҟоу аҭагылазаашьа уадаҩ иахҟьаны европаа ԥхьаҟатәи рԥеиԥш иазхәыцуеит, егьырҭ атәылақәа рҿы инхо ауааԥсыра рԥеиԥш акәымкәа.

Украина иҟоу аҭагылазаашьа аӡбаразы амҩақәа макьаназы иҟам. Аексперттә агентрақәа ирымоу агәаанагарақәа агәышьҭыхра узцәырыргом.

"Украина ԥхьаҟа ибанкротхар ауеит, убри аҟынтә уи атәыла аныҟәгара аӡәгьы ихахьы игар иҭахӡам", — азгәеиҭеит Бараҭелиа.

Европа аҩнуҵҟатәи ауадаҩрақәа рыӡбараз уи атәылауаа иҟарҵо ааԥхьарақәа еилукаартә иҟоуп. Асоциалтә уадаҩрақәа реизҳара иахҟьаны аҩнуҵҟатә уадаҩрақәа рыӡбаразы Европа атәылауаа аиҳабырахь иҟарҵо ааԥхьарақәа рымҽхак ҭбаахоит, азгәеиҭеит Беслан Бараҭелиа.

Ажәабжьқәа зегьы
0