АҞӘА, ажь 19– Sputnik, Бадраҟ Аҩӡба. Ауарӷанарҳәаҩы Лука Гаделиеи асопрано Кристина Ешԥҳаи "Акультуратә сезон Урыстәыла-Аԥсны 2013-2014" иҭагӡаны, апроект хдыркәшеит, абри атәы Sputnik иазааицҳаит Лука Гаделиа.
Аконцерт Казань Салих Саидашев ихьӡ зхыу Аҳәынҭқарратә концерттә зал Ду аҟны имҩаԥысит.
"Саршанхеит иблахкыгоу аконцерттә уарӷан ду, иахылҵуаз абыжьқәа ссирын", – игәаанагара ҳацеиҩишеит Гаделиа.
Аконцерт алахәылацәа изларҳәо ала, ахәылԥаз далахәын апианино арҳәаҩы, арҵаҩы Карлен Иавриан, иара убас Урыстәыла аорӷанрҳәаҩ, Казантәи аконсерваториа аректор Рубин Абдулин.
"Акультуратә сезон Урыстәыла-Аԥсны" ԥшьы-шықәса ҵуеит имҩаԥысуеижьҭи. Апроект 2013-2014 ашықәсқәа аҳәаа иҭагӡаны Аԥснынтәи артистцәа иқәгылахьеит Набережные Челны, Иарославль. Казань имҩаԥгаз аконцерт ари асезон азы иҵыхәтәанытәиин.
Лука Гаделиеи Кристина Ешԥҳаи қәҿиарала Казань иқәгылеит
13:36 19.01.2015 (ирҿыцуп: 14:54 19.01.2015)
© Фото : А. Леонтьев
Анапаҵаҩра
Аԥсуа дует "Акультуратә сезон Урыстәыла-Аԥсны" аҳәаа иҭагӡаны Татарстан аҳҭнықалақь аҟны иқәгылеит амҽыша.
