АҞӘА, жьҭ 23 – Sputnik, Анастасиа Никонова. Аҵыхәтәантәи аамҭазы Аԥсны агрипп авирус еизҳаит, абри атәы аҳәынҭқарратә хәышәтәырҭа аҳақьым хада Асҭамыр Иуанба Sputnik акорреспондент изеиҭеиҳәеит.
"Ирацәаҩны ҳусзуҩцәеи, ҳахәшәтәырҭаҟны зҽызыхәшәтәуеи чмазаҩхеит. Асанитар-епидемиалогиатә маҵзуреи ҳареи ҳаилацәажәаны акарантин алаҳәара ҳаӡбеит", – иҳәеит аҳақьым хада.
Ахәышәтәырҭаҟны аҭаарақәа рхыԥхьаӡара рмаҷуп, иҳәеит Иуанба. Акарантин апериод азы аусбарҭаҟны ирласу амедицинатә цхыраара заҵәык рырҭалоит.
Аҳақьым хада излеиҳәо ала, аусбарҭаҟны ахәышәтәырҭа аҭаара ахылаԥшра азҭало агәаҭаратә постқәа ргылазаауеит.
Аҳәынҭқарратә усбарҭаҟны акарантин жәамш иҟазаауеит.
