Алиса Гыцԥҳа лконцерт мҩаԥысуеит Муром

© Фото : страница Алисы Гицба в FacebookАлиса Гыцԥҳа
Алиса Гыцԥҳа - Sputnik Аҧсны
Анапаҵаҩра
НовостиTelegram
Аопретә шәаҳәаҩы Алиса Гыцԥҳа Муром 1100 шықәса ахыҵра иазкны лықәгылара ажьырныҳәа 29 рзы имҩаҧысуеит.

АҞӘА, ажь 25 – Sputnik, Бадраҟ Аҩӡба. Аҧсны Жәлар рартистка, Урыстәыла зҽаԥсазтәыз артистка, Москватәи амузыкатә театр "Геликон-Опера" асолистка, Муром 1100 шықәса ахыҵра зыхьӡ аху ақалақь аконцерттә зал хада аҟны лконцерт мҩаҧысуеит. Абри атәы ашәаҳәаҩ Sputnik акорреспондент изаалыцҳаит.

"Аконцерттә программа Муром иқәынхо ажәлар иргәаҧхап ҳәа сгәыӷуеит", – лҳәеит Алиса Гыцԥҳа.

Аопертә шәаҳәаҩы Рахманинов иромансқәа "Аилашәшәымҭа", "Аԥхыӡ", "Лара лахь", "Уаха сара сбаҳчаҟны", "Амш цәгьа", Штраус иашәақәа "Аҵх", "Ааԥын", "Ацәамҭаз", "Цәыббра" уҳәа егьырҭгьы налыгӡоит.

"Муром Урыстәыла иреиӷьӡоу ашәаҳәаҩцәа алархәны ирацәаны аконцертқәа мҩаҧысуеит, сара сзы уи ақалақь аҟны ақәгылара ҭакҧхықәра дууп", — лцәаныррақәа ҳацеиҩылшеит Алиса Гыцԥҳа.

Еицырдыруа аҧсуа ашәаҳәаҩ лықәгылара мҩаҧысуеит Муром Елена Пономарева напхгара зылҭо афилармониаҿы аконцертқәа рҳәаа иҭагӡаны.

Ажәабжьқәа зегьы
0