АҞӘА, ажь 27 — Sputnik, Наала Аҩӡԥҳа. Амимоза, мамзаргьы ираӡнытәу акациа заатәи ашәҭра Аԥсназы илаламбатәу цәырҵраны иҟаӡам, ҳәа Sputnik иазааицҳаит Аԥсны аекологиеи аԥсабара ахьчареи рзы аҳәынҭқарратә еилакы ахантәаҩы Савели Ҷыҭанаа.
Амимоза ашәҭқәа заа ипытит ажьырныҳәамзазы иҟаз аҳауа аԥхарра иахҟьаны. Уи аԥхарра ладантә ҳара иаҳзааит, иҳәеит Агидрометеомаҵзура аиҳабы Леуард Барцыц.
"Иҳаҩсыз амҽышазы +19 градус аҳауаԥхарра азгәаҳҭеит. Аӡынразы ари иџьашьатәу цәырҵроуп Аԥсны аҵакырадгьыл аҿы", — ҳәа игәы иаанагоит Барцыц.
аҳауаԥхарра иҟалаз аҵиаақәа ааԥынра ааизшәа ирыдыркылеит. Аха амимоза быбышӡа иҟоуп азы, иаразнак улаԥш аҿы иааиуеит.
"Аԥхарра аныҟалалак аҵиаақәа рыҩнуҵҟатәи апроцессқәа дәықәлоит. Иааԥшыз ашәҭқәа рыԥшӡара зегь цәырыргеит — иҳәеит Ҷытанаа.
Аеколог агәра ганы дыҟоуп март аабанӡагьы амимоза ашәҭқәа шеиқәхо, аныҳәа аламҭалазгьы ҿыц ишәҭыр шалшо, аԥхаррақәа ари аҿы иаангыланы, амш ҭышәынтәалар, амала аҵаагьы ӷәаӷәахар ашәҭқәа ирзеицәахоит.
