АҞӘА, 3 жәб — Sputnik. НАТО Урыстәылеи Аахыҵ Уаԥстәылеи ирыбжьоу аиқәшаҳаҭра азакәанра азхарҵаӡом, амала иара аԥырхагахара алшара рымаӡам, иҳәеит аладатәи Кавкази Ибжьаратәу Азиеи рҟны аус зуа Аҩада-атлантикатәи алианс амаӡаныҟәгаҩ хада иҷыдоу ихаҭарнак Џьеимс Аппатураи. Абри атәы аанацҳауеит РИА Новости.
Қырҭтәыла аус зуа актәи ауаажәларратә канал Аппатураи иаиҭаз акомментари аҟны иҳәеит алианс анаҩс аполитикатәи, адипломатиатәи, афинанстәи цхыраара Қырҭтәыла ишарҭало атәы.
"Аиҩызареи астратегиатә усецуреи" рзы аԥсуа-аурыс еиқышаҳаҭра Аԥсны Ахада Рауль Ҳаџьымбеи Урыстәыла Ахада Владимир Путини рнапы аҵарҩит 2014 шықәса, абҵара 24 Путин ирезиденциа "Бочаров ручеи" аҟны.
Урстәылеи Аахыҵ Уаԥстәылеи ирыбжьоу Аиҩызареи астратегиатә усецуреи азы аиқәышаҳаҭра анапаҵаҩра мҩаԥысуеит Урыстәылеи Аахыҵ Уаԥстәылеи анагӡаратә мчрақәа рҳәоуеиқәашәарақәа рышьҭахь.
