АҞӘА, жәб 6 – Sputnik, Роберт Џьопуа. 9 инаркны 12 шықәсанӡа зхыҵуа ҩажәеижәаҩык инареиҳаны Донецктәи ахәыҷқәа Аԥсныҟа ԥсшьара иаауеит, иҳәеит апресс-конференциаҟны Аԥсны Аҭагылазаашьа ҷыдақәа рзы аминистр Лев Кәыҵниа.
"Ҳара ҳазҿлымҳауп Украина иҟоу аҭагылазаашьа. Хара имгакәа ҳгәы иҭоуп Аԥсны иҳадаҳкыларц ахәыҷқәа урҭ ареабилитациа рахыжьразы", — иҳәеит Лев Кәыҵниа.
Аминистр иажәақәа рыла Донецкынтәи ахәыҷқәа Аԥсныҟа раагаразы аминистрра иҟанаҵаз ажәалагала Аԥсны Аминистрцәа реилазаара адгылара арҭеит.
Донецкынтәи ахәыҷқәа Аԥсны ареабилитациа иахыслоит 25 мшы.
Ажьырныҳәазы Аԥсны Аҭагылазаашьа ҷыдақәа рзы аминистрра Донецктәи рколлегацәа ацхыраара рырҭон анормативтә-зинтә шьаҭа аиҿкааратә ус аҿы.
