АҞӘА, жәб 25 – Sputnik, Анастасиа Никонова. Аԥсны агәабзиарахьчара аминистрра Аҟәатәи ахшараиурҭеи, астоматологиатә поликлиникеи ирынаҭеит еиҭаҵуа атехника ҿыц, ҳәа Sputnik акорреспондент иеиҳәеит агәабзиарахьчара аминистр ихаҭыԥуаҩ Баҭал Кациа.
Асабицәеи, ахаԥыц чымазҩцәеи рзы ареанимациатә машьына ҿыцқәа амедицинатә цхыраара аҳаракра шьҭырхуеит, иҳәеит аминистр ихаҭыԥуаҩ.
"Асабицәа рзы ареанимобильқәа акыр ихәарҭоуп, амедицинатә цхыраара ласы анырҭаху", — азгәеиҭеит Кациа.
Аминистр ихаҭыԥуаҩ иажәақәа рыла, ареанимобиль алшара ҟанаҵоит ииз асабицәа рынагаагара анаҩсангьы, амҩахь амедицинатә цхыраара рыҭаразгьы.
Иара убас, Аԥсны агәабзиарахьчара ареспубликатә стоматологиатә поликлиника ианаҭеит иахәҭоу амедицинатә маругақәа рыла еиқәыршәоу автомашьына, иҳәеит Кациа.
"Уажәшьҭа, алшара ҟалеит амедицинатә цхыраара зҭаху уи арыҭара Аԥсны араионқәа зегь рҿы", — азгәеиҭеит уи.
Аминистр ихаҭыԥуаҩ иажәақәа рыла, аиԥш зеиԥшу амашьына Аԥсны уажәраанӡа иҟамызт.
