Штаинмаиер дадгылом Европа Урыстәыла аҟәыҭхаразы имҩаԥнаго аполитика

Анапаҵаҩра
Ари алаҳәара Германиа адәныҟатәи аусқәа рминистр иҟеиҵеит Украина иҟоу аҭагылазаашьа иахҟьаны Урыстәылеи Европеи реизыҟазаашьақәа ахьыбжьысыз аҟынтә. Убри аан аполитик иазгәеиҭеит Украинатәи акризис политикала аӡбара акыр шықәса агар шауа.

АҞӘА, хәжәк 5 – Sputnik. Германиа адәныҟатәи аусқәа рминистр Франк Вальтер Штаинмаиер дадгылом акыраамҭа Урыстәыла аизолиациа азура Украинатәи акризис иахҟьаны. Абри атәы аанацҳауеит РИА Новости.

Урыстәылеи амраҭашәара атәылақәеи реизыҟазаашьақәа бжьысит Украина иҟалаз аибашьра иахырҟьаны. Ԥхынгәы 2014 шықәсазы Европеи Америкеи Урыстәыла аполитикцәеи, акомпаниақәеи рганахь ала асанкциақәа аларгалеит. Уи аҭакс Урыстәыла иармаҷит Европа атәылақәа рҟынтәи атауарқәа раара.

"Сара сақәгәыӷуеит Урыстәыла аизолиациа аамҭалатәиуп ҳәа. Политикатә мҩала Украинтәи аҭагылазаашьа аӡбара акыр шықәса агар ауеит, аха иҳалшо зегь ҟаҳҵар ауп аҭагылазаашьа аиӷбтәразы", — иҳәеит Штаинмаиер.

Уи иацҵаны иҳәеит Урыстәыла аганахь ала иҟоу асанкциақәа аҭахуп Урыстәыла ақәыӷәӷәаразы ҳәа.

Аминистр иара убас иазгәеиҭеит Украина ацхыраара ишацҵатәу, аха уи аан иҳәеит урҭ рҭахрақәаҵәҟьа рышьақәыргылара иахьазы ишамуа.

Ажәабжьқәа зегьы
0